Балаҕан ыйын 18 күнүгэр Чуукаар орто оскуолатыгар күүтүүлээх "Көмүс күһүн бэлэхтэрэ" кү...
Балаҕан ыйын 18 күнүгэр Чуукаар орто оскуолатыгар күүтүүлээх "Көмүс күһүн бэлэхтэрэ" күһүҥҥү тэрээһин бырааһынньыга үрдүк таһымнаахтык буолан ааста! Бу күн оскуолабыт таһа бүтүннүү күһүҥҥү чаҕылхай өҥнөрүнэн уонна оҕолор үөрүүлэринэн киэркэйдэ. Хас биирдии кылаас күһүн кэрэтин, баайын көрдөрөр ураты композиция оҥорон, оҥоһуктары айан айылҕа күрэҕэр кытыннылар. Ол курдук бу күрэххэ 3 кылаас маҥнайгы, 2 кылаас иккис, 4 кылаас үһүс миэстэни ыллылар. Орто сүһүһөххэ 5 кылаас маҥнайгы, 6 кылаас иккис, 8 кылаас үһүс миэстэни ыллылар. Улахан кылаастар икки ардыларыгар бастакы миэстэни 11 кылаас, иккис миэстэни 9 кылаас, үһүс миэстэни 10 кылаас о5олоро ыллылар. Маны таһынан Оҕолор уонна кылаастар бэйэлэрин талааннарын арыйан музыкальнай нүөмэрдэри көрдөрдүлөр, сыанкаларга оонньоотулар. Бырааһынньык саамай күүтүүлээх уонна тыастаах-уостаах өрүтүнэн — өрө көтөҕүллүүлээх күһүҥҥү дьаарбаҥка (ярмарка) буолла! Остуоллар бары минньигэс пирогтарынан, бэрэскилэринэн уонна оҕуруот аһынан туоллулар. Атыы-тутуу көрдөөхтүк ааста! Кылаастар бэйэлэрин үлэлэрин иһин үрдүк сыанабыллары уонна миэстэлэри ыллылар уонна кылаастарыгар эбии харчы оҥоһуннулар. Кыттыбыт, көмөлөспүт хас биирдии киһиэхэ, төрөппүттэрбитигэр уонна учууталларбытыгар улахан махтал!