03.04.2026
03.04.2026 👨👧👦👨👧👦👨👧👦👨👧👦👨👧👦👨👧👦👨👧👦 *Мин аҕам - бастыҥ* Хатаска өрөспүүбүлүкэтээҕи "Мой папа - самый лучший" фестиваль- куонкурус 4-с төгүлүн ыытылынна. Тэрийээччилэр: «Аҥаардас аҕалар " общественнай тэрилтэ, Хатастааҕы «Тускул» култуура Киинэ, «Алгыстаана» дьахтар сэбиэтэ. Фестивальга Дьокуускайтан, киин куорат таһынааҕы бөһүөлэктэртэн, улуустартан соҕотох аҕалар оҕолорун кытта ыҥырыллыбыттара. Фестиваль сыала - соруга: уопсастыба болҕомтотун аҕалар кыһалҕаларыгар тардыы; аҕалар уонна оҕолор бииргэ үлэлээһиннэрин тэрийии; дьиэ кэргэҥҥэ аҕа оруолун үрдэтии; ситиһиилээх уонна эппиэтинэстээх аҕа буоларга көҕүлээһин; үчүгэй уопуту тарҕатыы. Фестиваль-куонкурс түһүмэхтэрэ: 👨I түһүмэх - "Аҕа - дьиэ кэргэн уонна оҕо тирэҕэ" ("аҕа мэтириэтин" оҥорон көрдөрүү - аҕа идэтин, дьарыгын, майгытын- сигилитин туһунан билиһиннэрии). 🥗II түһүмэх - «Мин аҕам - бастыҥ повар» (кыттааччылар бары салаат оҥордулар). 🏃♂️III түһүмэх - "Мин аҕам - спортсмен» . (Владимир Емельянов "Хомуур күрэх» оонньуутунан бириэмэҕэ 40*40 мм. кээмэйдээх 50 кубигы хомуйуу). 👨👧👦IV түһүмэх - "Биһиги барытын сатыыбыт!" (дьиэҕэ сорудаҕы көрдөрүү - хас биирдии кыттааччы бэйэтин, дьиэ кэргэнин талаанын, өйөбүл бөлөҕүн туһунан кэпсиир. Куонкуруска Тааттаттан, Верхоянскайтан, Дьокуускайтан,Үөһээ Бүлүүттэн уо.д.а улуустартан кытыннылар. Түмүккэ бары түһүмэхтэргэ ситиһиилээхтик кыттан, Үөһээ Бүлүү Дүллүкү нэһилиэгиттэн Степан Степанович Тобохов оҕолорун Степаны (6 кылаас), Сайаананы (4 кыл.), Сайдамы (1 кыл.) кытта кыайыылаах үрдүк аатын ыллылар.🎉🎉🎉🎉🎉Дьиэ кэргэни кытта Дүллүкү орто оскуолатыгар "Радуга" оҕо тэрилтэтин салайааччы Наталья Матвеевна Степанова өйөбүл, көмө буолан сылдьыста. Кыайыынан итиитик-истиҥник эҕэрдэлиибит! 👏👏👏👏👏 Иллээх-эйэлээх дьиэ кэргэҥҥэ ситиһиилэри, дьолу- соргуну баҕарабыт! ✍🏼"Эрчим" медиакиин, Дүллүкү орто оскуолата, Үөһээ Бүлүү