туттарарга бэлэмнээһин буолар. Онон ол өттүгэр сүрдээх улахан үлэни оскуолалар ыыта тур...
туттарарга бэлэмнээһин буолар. Онон ол өттүгэр сүрдээх улахан үлэни оскуолалар ыыта тураллар. Оҕолорбут этэҥҥэ туттаран, үөрэх кыһаларын талан туттарсан киирэллэр. Дүллүкү оскуолата 2025 сыллааҕы көрдөрүүтэ үчүгэй. Оҕолор баҕалаах идэлэригэр туттарсан киирбиттэр. Нюргуна Афанасьевна оҕолорго ситиһиилээх үөрэҕи, билиигэ-көрүүгэ тардыһыылаах, баҕалаах буолуҥ диэн баҕа санаатын эттэ. Отчуот Дүллүкүтээҕи култуура уонна сынньалаҥ киинигэр 11 чаастан саҕаланна. Мунньах 2025 сылга үлэҕэ ситиһиилээх дьону наҕараадалааһынтан саҕаланна. " Кустук" оҕону сайыннарар киин үлэһитигэр Александра Петровна Степановаҕа СӨ Үөрэҕин уонна билимин министиэристибэтин Махтал суругун миниистир Нюргуна Афанасьевна Соколова туттарда. Экэниэмикэ министиэристибэтин Махтал суругун Дүллүкү нэһилиэгин дьаһалтатын экэнэмииһигэр Клавдия Александровна Герасимоваҕа миниистир Петр Иванович Попов туттарда. Онтон 2025 сылга ыытыллыбыт үлэ туһунан видеоматырыйаалы көрдүбүт уонна Петр Иванович отчуотун иһиттибит. Былырыыҥҥы отчуоттуур мунньах боротокуолугар Үөһээ Бүлүү нэһилиэнньэтиттэн 169 ыйытыы киирбит. Сылы быһа үлэ ыытыллан, мантан 65 боппуруос быһаарыллан туолбут, толорулла сылдьар 66, туолбатах 38 хаалбыт. Бу нэһилиэнньэ сөптөөхтүк туруорсубутун түмүгэр үлэ барбытын туоһулуур. Отчуоту истэн баран кэпсэтиигэ киирдилэр. Нэһилиэнньэ ордук саҥа оскуола, тутуутун, үүт туттарыытын, гаас киириитин, ФАП тутуутун уо.д.а. олох-дьаһах боппуруостарын ыйыталаста. Михаил Иванович Тарасов, " Альтернатива" ОО Дүллүкүтээҕи филиалын маастара, саҥа оскуола тутуута сыл аайы көһөн иһэрин, Хоро - Дүллүкү айан суола мөлтөҕүн, үс нэһилиэк сылдьар суола биирдэ күүстээх уу кэллэ да, муоста алдьанар туруктааҕын, С.С.Руфов аатынан уулуссаҕа уот киирэ илигин бэлиэтээн эттэ. ✅ Вячеслав Васильевич Аталларов ыанар ынахха үүт субсидиятын, " Меркурий" ситимин туһаныы, балыыһа дьиэтин ититии туһунан туруоруста. ✅ Иннокентий Алексеевич Санников Дүллүкүгэ фельдшер суоҕун, стоматолог быраас миэстэтэ Хороҕо көһөрүллүбүтүн эттэ. Нэһилиэнньэттэн киирбит ыйытыыларга, этиилэргэ тустаах тэрилтэ үлэһиттэрэ сөптөөх эппиэти, быһаарыылары биэрдилэр. Түмүккэ отчуоттуур бөлөх салайааччыта Петр Иванович Попов кэмчи бириэмэлээх үлэһит тыа дьоно болҕомтолорун ууран кэлэн отчуоту истибиттэригэр, нэһилиэнньэни долгутар ыйытыктары биэрбиттэригэр, этиилэри эппиттэригэр махтанна. Бу этиилэри ылынан, үөрэтэн салгыы үлэҕэ киллэрэргэ үлэлиэхпит. Бигэ тирэхтээх буолуоҕуҥ, биир сомоҕо буолан, үлэлиэҕиҥ- хамсыаҕыҥ диэн ыҥырда. ✍🏼Алина Санникова, 11 кылаас, 📸 Айтал Ксенофонтов, 8 кылаас, "Эрчим" медиакиин, Дүллүкү орто оскуолата, Үөһээ Бүлүү