19.09.26 🔆🔆🔆
19.09.26 🔆🔆🔆 Үөрэнээччилэрбит Хабаровскай куоракка иккис күннэрин сылдьаллар. -Сарсыарда "Смарт" отельга 9 ч.35 мүн. пожарнай тревога сигналынан турдубут. Түргэнник хоспутуттан тахсан истэхпитинэ:"Ложная тревога!"-диэтилэр. Онон күрэспитигэр сыһыаннаах кыра эрчиллиини ааспыт курдук сананныбыт, - диэн кэпсээтэ этэрээт хапытаана Эрхаан Мандаров. Оҕолор күнүс куораты кытары билсибиттэр, эбиэт кэннэ кыттааччыларга анаан бэлэмнээбит "Ариранг" гостиницаларыгар тиийэн жетон уонна футболка ылбыттар. Күрэҕи тэрийээччилэр салайааччыларга сарсыҥҥы күн ыытыллар бэрээдэгин туҺунан иһитиннэрии оҥорбуттар. -Хоспутугар куоталаҺыы ис барылын салайааччыбыт Наталья Матвеевна билиһиннэрдэ. Сарсыҥҥы күммүтүттэн элбэҕи көрөн-истэн, кыахпытынан күрэхтэһиигэ кыттан, үгүс саҥаны билэн барыахпыт, - диир Эрхаан. ✍🏼"Эрчим" медиакиин, Дүллүкү, Үөһээ Бүлүү