🏆“АҔА уонна УОЛ көлүөнэ ситимэ” күрэх.
🏆“АҔА уонна УОЛ көлүөнэ ситимэ” күрэх. Уол оҕо иитиитигэр ыал Аҕа баһылыга, оҕо аҕата сүрүн оруолу ылара мөккүөрэ суох. Оҕо аҕатын убаастыыр, эрэллээх, эрчимнээх буола үүнэригэр төһүү күүс буоларын туһуттан араас күрэхтэр ыытыллаллар. Бүгүн, Олунньу 18 күнүгэр Үөһээ Бүлүүтээҕи “Тускул” оҕо киинин “Сомоҕо” оҕо хамсааһынын көҕүлээһининэн Арассыйаҕа Сомоҕолоһуу, Саха сиригэр Культура, Үөһээ Бүлүү улууһугар үөрэҕирии төрүттэммитэ 1️⃣5️⃣0️⃣сылларыгар аналлаах VI-сылын улууска ыытыллар🏆 “АҔА уонна УОЛ көлүөнэ ситимэ” күрэс үрдүк тэрээһиннээхтик ыытылынна. Күрэхпит ыытыллар сыала-соруга: Аҕа оруолун үрдэтии, уол оҕону иитиигэ олоххо сыаннастарын үрдэтиигэ эппиэтинэһи күүһүрдүү, улахан олугу ууруу дьиэ кэргэҥҥэ төрүт өбүгэ үгэстэригэр уолаттары иитии, такайыы, Аҕа уонна уол ыккардыгар үтүө сыһыаны, чөл доруобай олоҕу пропагандалааһын, бастыҥ Аҕалары, дьиэ кэргэттэри киэҥ эйгэҕэ сырдатыы буолар. «АҔА уонна УОЛ көлүөнэ ситимэ” күрэххэ барыта 9️⃣ Аҕа уолаттарын кытта кытыннылар. 3 түһүмэххэ күөн көрүстүлэр. Ол курдук 1 түһүмэх- дьиэ кэргэннэрин билиһиннэрии. 2 түһүмэххэ- дьиэ кэргэн туох дьарыктааҕа, сатабыллааҕа, Аҕалар уолаттарын туох сатабылга иитэллэрин, такайалларын көрдөрдүлэр, кэпсээтилэр. 3 түһүмэҕи Үөһээ Бүлүүтээҕи оҕо библиотеката ыыттта өйү тургутууга боппуруостарга эппиэттээтилэр. Күрэх түмүгүнэн кыайыылаахтар ааттаннылар. 🏆КЫЛААН ЧАПЧААЛ үрдүк аатын ыллылар- Аҕа Баһылык Владимир Владимирович уола Александр Софроновтар дьиэ кэргэттэрэ( Дүллүкү орто оскуолата). I ҮРДЭЛ кыайыылаахтар- Аҕа Баһылык Петр Петрович уолаттара Арчын, Айархаан, Айан Васильевтар дьиэ кэргэттэрэ (Далыр орто оскуолата) II ҮРДЭЛ кыайыылаахтар-Аҕа Баһылык Васул Геннадиевич уола Айсаан Алексеевтар (Хомустаах сүрүн оскуолата) III ҮРДЭЛ кыайыылаахтар- Аҕа Баһылык Роберт Егорович уола Роман Софроновтар дьиэ кэргэттэрэ (Хоро орто оскуолата) Бары кыттааччыларга АНАЛ ААТТАР туттарылынна. “Кэскиллээх дьиэ кэргэн” - Вячеслав Романович уолаттара Дамир, Эрсан Федотовтар дьиэ кэргэттэрэ (Мэйик сүрүн оскуолата) “Туруу үлэһит дьиэ кэргэн” - Николай Алексеевич уола Даниэль Габышевтар (Кэнтик орто оскуолата) “Үтүө үгэстэри үйэтитэр ыаллар”- Владимир Иванович уола Эрсан Семеновтар дьиэ кэргэттэрэ (Үөһээ Бүлүүтээҕи Д.С.Спиридонов аатынан улуустааҕы гимназия) “Иллээх дьиэ кэргэн” - Михаил Васильевич уола Дьулустаан Колесовтар дьиэ кэргэттэрэ (М.Т.Егоров аатынан орто оскуола) “Өбүгэ үгэһин өрө тутар ыаллар" -Дмитрий Павлович уола Харысхан Руфовтар дьиэ кэргэттэрэ (Ю.Н.Прокопьев аатынан спортивнай орто оскуола) Бу, курдук Үөһээ Бүлүү улууһугар төрөппүтү кытта үлэ араас хайысханнан ыытыллар. Төрөппүт оҕотун иитиитигэр болҕомто ууран, интэриэһиргиир буоллаҕына бу оҕотун ситиһиигэ сирдиирэ инникигэ эрэллээхтик хардыылыырыгар күүс өйөбүл буолара саарбаҕа суох. Махталбытын биллэрэбит Руфов Алексей Васильевичка Үөһээ Бүлүүтээҕи Аҕалар түмсүүлэрин бэрэсэдээтэлигэр. Колосова Зоя Моисеевнаҕа Үөһээ Бүлүү улууһун дьаһалтатын ыччат уонна дьиэ кэргэн политикатын отделын начальнигар, Васильева Раиса Алексеевна К.С.Чиряев аатынан норуот педагогикатын директорыгар, Захарова Майя Федоровнаҕа Үөһээ Бүлүүтээҕи оҕо библиотекатын сүрүн библиотекарыгар, Тобохов Степан Степановичка Дүллүкү нэһилиэгин элбэх оҕолоох Аҕа баһылыгар, нэһилиэк Аҕа түмсүүтүн салайааччытыгар, 2024с."Аҕа уонна уол көлүөнэ ситимэ" күрэх 1-Үрдэл кыайыылааҕар. Кыттыбыт бары оскуолалар салайааччыларыгар улахан махталбытын биллэрэбит Аҕа уонна уол оҕо иитиитигэр сэмэй кылааттарын киллэрэ сылдьалларыгар👍🏻✊🏻