Тохсунньу 10 күнүгэр Дүллүкү орто оскуолатыгар Анал байыаннай дьайыы кыттыылааҕа, биһиг...
Тохсунньу 10 күнүгэр Дүллүкү орто оскуолатыгар Анал байыаннай дьайыы кыттыылааҕа, биһиги оскуолабытыгар алын кылаастарга үөрэнэ сылдьыбыт Ан Джон Михайловиһы кытары көрсүһүү буолла. Тэрээһиҥҥэ Үөһээ Бүлүүтээҕи көрдүүр-быыһыыр этэрээт начальнига уонна улуустааҕы бойобуой дьайыылар ветераннарын Ассоциациятын бэрэссэдээтэлэ Михаил Васильевич Ан, оскуола үлэһиттэрэ уонна 9-11 кылаас уолаттара кыттыыны ыллылар. Ан Джон Михайлович Благовещенскай куоракка маршал К.К. Рокоссовскай аатынан байыаннай училищеҕа үөрэнэр. Үөрэххэ 11 кылаас кэннэ биир кэлим эксээмэннээх эбэтэр БКЭтэ суох үөрэх иһинээҕи тургутуулары аастаххына ылаллар эбит. 3,5 эбэтэр 5 сыл үөрэнэллэр. Бүтэрэн баран икки үрдүк үөрэхтэнэллэр. Олорор усулуобуйата, астара уонна истипиэндьийэ олус үчүгэй диэн Джон Михайлович кэпсээтэ. Дөкүмүөн хомуйуута муус устар ыйтан саҕаланар эбит. Бу үөрэххэ киириэхтэрин баҕалаахтар Михаил Васильевичка эбэтэр Джон Михайловичка тахсан билсиэхтэрин сөп. Көрсүһүү үрдүкү кылаас үөрэнээччилэригэр идэни таларга көмө, сүбэ быһыытынан ыытылынна. Алина Санникова, 11 кылаас, "Эрчим" медиакиин