💐💐💫Бииргэ үлэлиир күндү дьонум, убаастабыллаах кэрэ аҥаардарбыт, педагогическэй үлэ ...
💐💐💫Бииргэ үлэлиир күндү дьонум, убаастабыллаах кэрэ аҥаардарбыт, педагогическэй үлэ бэтэрээннэрэ, Сунтаар Далбар Хотуттара, Эһигини барыгытын Аан дойду дьахталларын күнүнэн Сунтаар улууһун үөрэҕин салалтатын уонна тус бэйэм ааппыттан итиитик-истиҥник эҕэрдэлиибин! Сибэкки дьэрэкээн өҥүнэн, айылҕа уһуктан кэрэтийэр кэмигэр бэлиэтэнэр кэрэ күнүнэн! Сааскы күн сылаас тыына, сир анныттан күүс ылан үүнэн тахсар күөх от-мас, тэбис-тэҥҥэ тэлэллэн эрэр дьэрэкэл оттоох сибэкки курдук, эһиги эмиэ бу күн сырдык тыынын ылан, санааҕыт-сүрэххит сылыйан, кэрэ айылҕабыт курдук эмиэ сырдык, абылаҥнаах буолуҥ! Эһиги - алаһа дьиэҕэ дьиэ кэргэн сылааһын, ийэ тапталын олохтуур хотун дьахтар түһүлгэтин аналлыыгыт. Үөрэҕирии сайдыытыгар, кэлэр көлүөнэ иитиитигэр-үөрэтиитигэр кылааккыт сыаналаныллыбат суолталаах. Эһиги оҕолорго үтүө үгэстэри, билиини-көрүүнү иҥэрэр үлэҕит-хамнаскыт ытык иэскэ дьүөрэлээх. Бүгүҥҥү сырдык бырааһынньыгы көрсө эһиэхэ олоххо үөрүүнү, доруобуйаны, дьолу-соргуну, дьиэҕитигэр куруук сылаас сыһыаны баҕарабын! Үлэҕит өрө көтөҕүүлээх, санааҕыт чэбдик, дууһаҕыт сырдык буоллун! Б. Н. Васильев