🔶🔸 Кулун тутар 5 күнүгэр улуус оскуолаларын үөрэнээччилэрин ыккардыларыгар хотугу мно...
🔶🔸 Кулун тутар 5 күнүгэр улуус оскуолаларын үөрэнээччилэрин ыккардыларыгар хотугу многоборьеҕа күрэхтэһии буолан ааста. Бу күрэхтэһии үөрэнээччилэр комплекснай спартакиадаларын чэрчитинэн тэрилиннэ. Манна улуус араас муннуктарыттан 8-11 кылаас үөрэнээччилэрэ күөн көрүстүлэр. Оҕолор үс көрүҥҥэ күүстэрин-уохтарын көрдөрдүлэр: хотугу үс төгүл ыстаныы, мастаах сүүрүү уонна наартаны ыстаныы. Сарсыардаттан мандатнай хамыыһыйа үлэлээн, күрэхтэһии саҕаланна. 🏆 Түмүккэ бастыҥ хамаандалар уонна спортсменнар наҕараадаланнылар. Биирдиилээн көрүҥнэргэ призердар уонна чемпионнар грамоталары уонна мэтээллэри ыллылар. Хамаанданан кыайыылаахтар Кубок туттулар. Ол курдук күрэхтэһии түмүгэ маннык буолла: Үс көрүҥ түмүгүнэн (16-17 саастаах уолаттарга): 🥇 миэстэ – Прокопьев Дархан, Күндэйэ 🥈миэстэ – Аввакумов Айхал, Элгээйи 🥉миэстэ – Федоров Клим, Сош 1 (16-17 саастаах кыргыттарга): 🥇 миэстэ – Дьяконова Лилияна, Күндэйэ 🥈 миэстэ – Иванова Лилия, Элгээйи 🥉 миэстэ – Ноговицына Айыына, СПТЛ-И (14-15 саастаах уолаттарга): 🥇 миэстэ – Николаев Сергей, СОШ 1 🥈 миэстэ – Саввинов Артем, СПТЛ-И 🥉 миэстэ – Данилов Марк, СПТЛ-И (14-15 саастаах кыргыттарга): 🥇 миэстэ – Андреева Виолетта, Элгээйи 🥈 миэстэ – Ощепкова Күннэй, Күндэйэ 🥉 миэстэ – Иванова Наталья-Далаана, СПТЛ-И Хамаанданан: 🥇 миэстэ – Б.Н. Егоров аатынан Күндэйэ оскуолата 🥈 миэстэ – СПТЛ-И 🥉 миэстэ – П.Х. Староватов аатынан Элгээйи оскуолата 🔸 Сунтаар улууһун үөрэҕин салалтатын аатыттан бары кыттыылаахтары уонна тэрийээччилэри күрэхтэһии үрдүк таһымҥа ааспытынан эҕэрдэлиибит. Физкультура учууталларыгар уонна судьуйаларга ыччаты чөл олоххо уһуйар үлэлэригэр кыайыылары, күүс-күдэх биэрэр тускуллары баҕарабыт!