🇷🇺 Маадырның уйнуу - Ада-чурттуң камгалакчызы — 14 мая 2026 г. в 05:36:51.628
🇷🇺 Маадырның уйнуу - Ада-чурттуң камгалакчызы Кызыл хоорайның 16 дугаар лицейинге ат-сураглыг тыва эки турачы, Совет Эвилелиниң Маадыры Чүргүй-оол Намгаевич Хомушкунуң уйнуу Чаян Чойган-оолович Хомушку лицейжилер-биле ужуражылгага киришкен. Чаян Хомушку – тускай шериг операциязының киржикчизи, офицер. Тывада кыска хуусаалыг шөлээзиниң үезинде чедип келгеш, лицейжилер-биле ужуражыр аргалыг болган. Ол шериг албан ажылын механик-чолаачы кылдыр эгелээн болгаш, батальон командири эрге-дужаалга четкен. Чаян Хомушку 9 «б», 6 «д» класстарның өөреникчилеринге бодунуң дайынчы оруундан солун төөгүлерни чугаалап берген. Ол чеже-даа аныяк болза, тускай шериг операциячзының бирги хүнүнден бээр чаңгыс эвес удаа тулчуушкуннарга киришкен арга-дуржулгалыг командир болуп турар. Школачылар аныяк офицерниң чугаазын улуг сонуургал-биле дыңнап, айтырыгларны салгылаан: шеригниң мурнуку одуруунда хүннер, дайынчы эштери, берге байдалдарда тиилелгеге чүү дузалаарыл дээш оон-даа өске. Чаян Чойган-оолович өөреникчилерниң айтырыгларынга ёзулуг маадырларны билип алзын дээш хөөредиг чокка шынын чугаалап турган. Тоску болгаш алдыгы классчыларга ужуражылга чүгле төөгүнүң эвес, а эрес-дидим чоруктуң кичээли болган. Мы в ВКонтакте | Мы в MAX