🇷🇺 «Тиилелгениң соңгалары» Бүгү-россияның акциязында Тываның өөреникчилери киржип турар — 4 мая 2026 г. в 10:49:34.274
🇷🇺 «Тиилелгениң соңгалары» Бүгү-россияның акциязында Тываның өөреникчилери киржип турар Улуг Тиилелге хүнүнге тураскааткан «Тиилелгениң соңгалары» Бүгү-россияның акциязы чыл санында эртип турар. Ында Тываның өөреникчилери идепкейлиг киржип турар. Кызыл хоорайның 4 дугаар школазының 7 «а» клазының өөреникчизи Арсений Иванов ук акцияның дугайында бижээн. Арсений Иванов, Кызыл хоорайның 4 дугаар школазының 7 «а» клазының өөреникчизи: 🗯 - Акция 2020 чылда, пандемия үезинде эгелээш, бүгү Россияның девискээринде тарай берген. 2023 чылда Россияның Чырыдыышкын яамызының хайгааралы-биле эрткен, а 2024 чылдан бээр аңаа күзелдиг кижи бүрүзү киржип болур апарган. «Тиилелгениң соңгалары» акцияның трафареттерин, чуруктарын «Движения первых» шимчээшкинниң сайтызындан ап болур. Ук акцияның кол сорулгазы – ада-өгбелервистиң маадырлыг чоруунуң дугайында төөгүлүг сактыышкыннарны кадагалап, аныяк салгалдың ортузунга ниити үнелелдерни каттыштырары. Бистиң школавыстың өөреникчилери болгаш башкылары соңгаларны Тиилелгениң демдектери-биле каастап турар. Ол чүгле хүндүткелдиң демдээ эвес, а маадырларга сактыышкын болгаш четтиргенин илередир арга болур. Мы в ВКонтакте | Мы в MAX