⛱ «Чодураа» лагеринге Тыва дылдың хүнү эрткен — 15 июля 2026 г. в 04:47:37.437
⛱ «Чодураа» лагеринге Тыва дылдың хүнү эрткен Улуг-Хем кожуунда «Чодураа» стационарлыг лагерьниң бир хүнү ада-өгбелеривистиң культуразы болгаш ёзу-чаңчылдарының мастерскаязынче шилчээн. Тыва дылдың хүнү ук лагерьге чылыг-чымчак база чырык-чаагай байдалга эрткен. Отряд бүрүзү биче төрээн чериниң ёзу-чаңчылдарын шиңгээткен. Уруглар улуг сонуургал-биле кырган-ава, кырган-ачаларындан дыңнааны шаандагы сөстерниң ужур-утказын сайгарып, адап өөренгеннер. Улаштыр квест-оюннарга киришкеннер. Станцияларже аян-чоруктарны кылып тургаш, уруглар чүгле айтырыгларның баажызын тып эвес, а төрээн Тывазының төөгүзүнге хамаарышкан онаалгаларны күүсеткеннер. Оолдар, уруглар ырлажып, национал оюннарны ойнап, төрээн дылын билири – чоннуң чүрээнче дүлгүүр дээрзин бадыткааннар. 💭 «Ол ышкаш Тыва дыл хүнүнде «Тыва – мээң төрээн чуртум» чуруктар мөөрейин организастаан. Уруглар төрээн чериниң каас-чараш бойдус-чурумалын: даглар, хемнерин, кызыгаар чок хову-шөлдерин чураан. Тыва – чүгле картада точка эвес. Ол – бистиң күжүвүс, чоргааралывыс» - деп, лагерьниң башкылары таныштырган. Мы в ВКонтакте | Мы в MAX