Ил Дархан Айсен Николаев «Якутия вперед!» биэриигэ ый түмүктэрин таһаарыаҕа — 28 мая 2026 г. в 03:07:21.616
Ил Дархан Айсен Николаев «Якутия вперед!» биэриигэ ый түмүктэрин таһаарыаҕа Бүгүн, ыам ыйын 28 күнүгэр, «Якутия, вперед!» биэриигэ Айсен Николаев кыттыаҕа. Ил Дархан бырагыраама кэмигэр ыам ыйын түмүктэрин таһаарыаҕа. Биэрии олохтоох бириэмэнэн 21:00 чаастан НВК «Саха» уонна «Якутия 24» ханаалларга саҕаланыаҕа, 20:00 чаастан — «Тэтим» араадьыйаҕа. Эпиир сүрүн тиэмэлэринэн региоҥҥа халаан уута ааһыыта уонна баһаартан сэрэхтээх буолуу кэм саҕаланыыта буолуоҕа. Айсен Николаев Пекиҥҥа Россия делегациятын састаабыгар үлэтин түмүктэрин таһаарыаҕа. Ону тэҥэ Ил Дархан ыам ыйын сүрүн тиэмэлэрин ырытыаҕа: оттук сезонун түмүктэниитэ, Өлүөнэ муостатын бастакы тимир коффердамын өрүс сүнньүгэр таһаарыы, «Синергия Арктики» бырайыагы олоххо киллэрэргэ волоконнай-оптическай хаабыллаах тиэхиньикэ кэлиитэ уо.д.а. тиэмэлэр.