Аҕа дойду улуу сэриитигэр Чурапчыттан 2170 киһи кыттыбыта, кинилэр ортолоругар 200-тэн... — 9 мая 2026 г. в 14:12:35.895
Аҕа дойду улуу сэриитигэр Чурапчыттан 2170 киһи кыттыбыта, кинилэр ортолоругар 200-тэн тахса учуутал уонна Чурапчы педагогическай училищетын студеннара бааллара. Кинилэр бары хорсун быһыы холобурун көрдөрбүттэрэ, 80-ча киһи сэрии толоонугар үйэ-саас тухары хаалбыттара. Төннөн кэлбиттэр олохторун ыччаты үөрэтиигэ уонна иитиигэ, сэрии ыар содулларын туоратыыга, дойдуну сайыннарыыга анаабыттара. Киэҥ тутта ааттыбыт Саха АССР уонна РСФСР оскуолатын үтүөлээх учууталларын: аатырбыт артиллерист, герой Г.Д. Протодьяконовы, С.К. Макаровы, П.А. Старостины; Саха АССР оскуолатын үтүөлээх учууталларын: И.М. Павловы, П.М. Васильевы, А.Е. Максимовы, Н.С. Соловьеву; Саха АССР норуотун хаһаайыстыбатын үтүөлээх үлэһиттэрин: Р.Х Кривошапкины, В.С. Лыткины; Саха АССР наукатын үтүөлээх үлэһитин Д.Д. Красильниковы, Саха АССР культуратын үтүөлээх үлэһиттэрин: Г.Д. Ефимовы, М.П. Ефимовы, ону тэҥэ уһун сылларга эҥкилэ суох оскуола салайааччыларынан үлэлээбит биир дойдулаахтарбытын – Н.М. Керемясовы, Г.И. Попову, С.О. Васильевы, А.А. Абрамовы, Д.А. Илларионовы, С.М. Максимовы, В.И. Башарины, Г.Ф. Спиридоновы, Н.Г. Скрябины. Л.А. Дьяконовы, Н.М. Дьяконовы уо.д.а. Бу дьоһун-мааны педагогтар үтүө ааттара үйэлэргэ өлбөөдүйүө суоҕа. Билиҥҥи көлүөнэ педагогтара кинилэр сырдык ааттарыгар сүгүрүйэбит, кэриэстиибит уонна кинилэр дьыалаларын салгыыбыт.