Уолбут Сарыал Стручков сырдык кэриэһигэр анаммыт турнирбыт үрдүк таһымнаахтык, дьоһунну...
Уолбут Сарыал Стручков сырдык кэриэһигэр анаммыт турнирбыт үрдүк таһымнаахтык, дьоһуннук түмүктэннэ! ⚽️👏🏻 Бу күн Хаптаҕайбыт сиригэр успуорт бырааһынньыгын тыына эрэ буолбакка, доҕордоһуу, сомоҕолоһуу уонна үйэлэргэ умнуллубат өйдөбүл күнэ ааста. Бүгүҥҥү турнирбыт саамай дириҥ суолталаах түгэнинэн — тапталлаах Хаптаҕайбыт спортивнай площадкатыгар Сарыалбыт сырдык аатын үйэтитэр өйдөбүнньүк мемориальнай дуосканы арыйыы буолла. Манна кэлэр ыраас санаалаах оҕолор, ыччаттар дойдуларыгар бэриниилээх, чөл олохтоох, күүстээх санаалаах дьон буола улаатыахтара диэн эрэнэбит. 32 кыттааччылаах, 5 хамаанданан арахсыбыт күүрээннээх күрэс былдьаһыыга маннык сыаналаах бириистэр туруорулуннулар: 🏆 Кыайыылаахтар: * 1 миэстэ — 5-с нүөмэрдээх хамаанда! Кинилэр сыралаах оонньуулара 65 000 солкуобайынан бэлиэтэннэ! * 2 миэстэ — 2-с нүөмэрдээх хамаанда. Бириистэрэ — 54 000 солкуобай. * 3 миэстэ — 3-с нүөмэрдээх хамаанда, 44 000 солкуобай хаһаайыннара буоллулар. * 4 миэстэ — 4-с нүөмэрдээх хамаанда — 15 000 солкуобай. * 5 миэстэ — 1-кы нүөмэрдээх хамаанда — 15 000 солкуобай. Анал ааттар хаһаайыннара: Бастыҥтан бастыҥнар чиэстэннилэр, кинилэргэ анал бириистэри туттардыбыт: * 🌟 Лучший игрок — Васильев Максим, анал бириис, 8000 солкуобай * 🛡 Лучший защитник — Голиков Даниэль, анал бириис, 5000 солкуобай * ⚡ Лучший Нападающий — Терентьев Аман, анал бириис, 5000 солкуобай * 🧤 Лучший вратарь — Яковлев Сергей, анал бириис, 5000 солкуобай Сарыалбыт сырдык мөссүөнэ, кини хорсун санаата өрүү биһиги сүрэхпитигэр.
Канал в каталоге Максиметера
227 подписчиков · Школы и вузы