Бүгүн, алтынньы ый 28 күнүгэр, И.М.Сосин аатынан улуустааҕы киин библиотека тэрийиитинэн,
Бүгүн, алтынньы ый 28 күнүгэр, И.М.Сосин аатынан улуустааҕы киин библиотека тэрийиитинэн, 📚📚📚Саха биллиилээх бэйиэтэ, прозаик, суруналыыс, ССРС суруналыыстарын уонна суруйааччыларын сойуустарын чилиэнэ ИВАН АФАНАСЬЕВИЧ СЫСОЛЯТИН төрөөбүтэ 90 сылыгар аналлаах «СЫСОЛЯТИН ААҔЫЫЛАРА» 1 төгүлүн улуустааҕы литературнай турнир буолан ааста. Биһиги нэһилиэкпититтэн Кеша Алексеев аатынан Хаптаҕай орто оскуолатын 10 кылааһын үөрэнээччилэрэ Гермогенов Мичил, Григорьев Эрчим, Дайбанныров Айсен, Слободчиков Булат ситиһиилээхтик кыттан, "Үтүө ааты үйэтитии" анал аат хаһаайыннара буоллулар, 👏👏👏кылаас салайааччыта Терентьева Ирина Игнатьевна. Бастакы түһүмэххэ уолаттар Советскай Союз Геройугар Федор Кузьмич Поповка анаммыт Иван Сысолятин хоһооннорун дорҕоонноохтук ааҕан иһитиннэрдилэр. Иккис түһүмэх Иван Сысолятин айар үлэтиттэн ыйытыктарга хоруйдааһын быһыытынан барда, манна Григорьев Эрчим бэлэмнээҕин көрдөрдө. Бүгүҥҥү тэрээһинтэн элбэҕи билэн-көрөн, астынан кэллибит. Кыттааччыларбытыгар махтанабыт, инникитин даҕаны ситиһиилэр кэлэ турдуннар🙌🙌🙌