Кэскиллээх идэ талыыта: Хорообут оскуолатын үөрэнээччилэрэ Аллараа Бэстээх ЖД техникумугар
Кэскиллээх идэ талыыта: Хорообут оскуолатын үөрэнээччилэрэ Аллараа Бэстээх ЖД техникумугар Алтынньы 14 күнүгэр, Хорообут орто оскуолатын 14 үөрэнээччитэ Аллараа Бэстээх тимир суол техникумугар профпробаҕа сылдьан, техникум үөрэҕин салааларын сиһилии билсэн кэллилэр. Бу тэрээһин оҕолорго инники идэлэрин талыыга улахан көмө буолар, олохторугар суолдьут сулус буолуон сөп. Үөрэнээччилэр, ордук, «Диагностика автомобильного транспорта» профпробаҕа кыттан, автомеханик салаатыгар хайдах үөрэххэ киириэххэ сөбүн, үөрэх туһунан сиһилии билистилэр. Техникум үлэһиттэрэ оҕолорго быйылгыттан 9-с кылаастан ылалларын туһунан иһитиннэрбиттэрэ, үөрэнээччилэри ордук интириэһиргэттэ. Ону таһынан, бу салааны бүтэрбит оҕолор босхо «В» категориялаах быраабы ылыахтарын сөбө эмиэ улахан болҕомтону тарта. Бу, кэлэр кэскилгэ олус туһалаах, үлэҕэ-хамнаска киирэргэ эбии кыаҕы биэрэр ураты чэпчэтиинэн буолар. Маннык тэрээһиннэр оҕолорго инники олохторун таба талалларыгар, бэйэлэрин дьоҕурдарын уонна баҕаларын таба сыаналыылларыгар көмөлөһөр. Хорообут оскуолатын үөрэнээччилэрэ инники идэлэрин ситиһиилээхтик талан, дойдубут сайдыытыгар бэйэлэрин кылааттарын киллэрэллэригэр баҕарыаҕыҥ!