Иитэр эйгэ саҥа саҕаланыыта – «Репка» остуоруйанан театрализованнай дьүһүйүү!
Иитэр эйгэ саҥа саҕаланыыта – «Репка» остуоруйанан театрализованнай дьүһүйүү! Бүгүҥҥү күн, алтынньы 16 күнүгэр, биһиги иитэр эйгэбит сабыс-саҥа, буруолуу сылдьар бастакы тэрээһинин ыытта! Бу үөрүүлээх күн алын сүһүөх учуутала Скрябина Юбилина Юрьевна тэрийиитинэн,оскуолабыт оҕолорун сүрэхтэрин тапталын ылбыт «Репка» нуучча норуотун остуоруйатыгар олоҕурбут театрализованнай сценка уһуйааммыт оҕолоругар көрдөрүлүннэ. Кырачаан артыыстарбыт олус чаҕылхайдык, истиҥник уонна итэҕэтиилээхтик оонньооннор, көрөөччүлэри сөхтөрдүлэр, үөрүү-көтүү аргыстаах бэйэлэрин дьоҕурдарын көрдөрдүлэр. Ол эрэ буолбакка, биһиги эдэр артыыстарбыт салгыы Всероссийскай флагманский «Школьная классика» бырайыакка кыттан, «Школьный дебют» номинацияҕа айымньылаахтык киириэхтэрэ! Бу, биһиги оҕолорбут талааннара дойду таһымыгар тахсар чинчитэ буолар. Эҕэрдэлиибит Юбилина Юрьевнаны, эдэр артыыстарбытын уонна кинилэр төрөппүттэрин бу үтүө саҕалааһыннарынан! Кэлэр өттүгэр да маннык айымньылаах ситиһиилэри, талааннаах оҕолору үксэтэ туруҥ диэн баҕарабыт!