*Депутат Г.И. Данчикова үлэтин түмүгэ* — 25 мая 2026 г. в 05:45:22.202
*Депутат Г.И. Данчикова үлэтин түмүгэ* 1. Өрөспүүбүлүкэни күөх төлөн ситиминэн хааччыйыы. Күөх төлөн ситимэ олорор дьиэлэри сылааһынан хааччыйар, оттон тэрилтэлэр мэһэйэ суох үлэлииллэрин мэктиэлиир. Галина Данчикова быһаччы туруорсуутунан, өрөспүүбүлүкэҕэ «КыҺыл-Сыыр – 84 км» магистральнай гаас ситимин утаҕын тутуутугар федеральнай бюджеттан 2,8 миллиард солкуобай көрүллүбүтэ. 2024 сыллаахха 84 килэмиэтир гаас ситимэ тутуллан үлэҕэ киирбитэ. Тустаах гаас ситимэ Биир кэлим газотранспортнай систиэмэтигэр холбоспутун түмүгэр, Саха Сирин киин энергетическэй оройуоннара бигэтик күөх төлөнүнэн хааччылыннылар, бу тиһиккэ сүүстэн тахса нэһилиэк, ол иһигэр Дьокуускай, Покровскай, Бүлүү куораттара холбоннулар. Бу нэһилиэнньэлээх пууннарга 400 тыһыынчаттан тахса киһи олорор, үгүс социальнай суолталаах эбийиэктэр – оскуолалар, оҕо уһуйааннара, балыыһалар үлэлииллэр. Оттон 5 сыл иһигэр өрөспүүбүлүкэҕэ газтааһын бырагыраамматынан Миирнэй, Ленскэй оройуоннарыгар, Горнай, Бүлүү, Үөһээ Бүлүү, Кэбээйи, Нам, Хаҥалас, Мэҥэ-Хаҥалас, Чурапчы улуустарыгар, Жатайга уонна Дьокуускай куоракка барыта 11 тыһыынчаттан тахса киһи дьиэтэ күөх төлөн ситимигэр холбонно.