*Галина Иннокентьевна Данчикова туһунан* — 25 мая 2026 г. в 05:45:21.980
*Галина Иннокентьевна Данчикова туһунан* Галина Данчикова олоҕо Саха Сирин кытары ыкса ситимнээх. Кини Дьааҥы улууһугар улааппыта. РСФСР Үпкэ министиэристибэтин Саха Сиринээҕи Үп уонна кредит техникумун «Судаарыстыбыннай бүддьүөт» салаатыгар үөрэнэн «Финансист» идэтин баһылаабыта, онтон 1984 сыллаахха Бүтүн Сойуустааҕы юридическай заочнай институт (О.Е. Кутафин аатынан Москубатааҕы судаарыстыбыннай юридическай университет) «Правоведение» диэн салаатыгар үөрэнэн, «Юрист» идэтин баһылаабыта. 2001 сыллаахха Дойду Бэрэсидьиэнин дьаһалтатын иһинэн үлэлиир Арассыыйатааҕы судаарыстыбаннай сулууспа академиятыгар «Дойду Федерациятыгар бүддьүөттэр икки ардыларынааҕы сыһыаннарыгар уларытыылары киллэрии (эрэгийиэннээҕи көрүү)» диэн тиэмэҕэ диссертациятын көмүскээбитэ, итиэннэ экэниэмикэ билимин хандьыдаата буолбута. Үрдүк үөрэҕин бүтэрэн баран, эдэркээн кыыс бэйэтэ тылланан, Өлөөн улууһугар үлэлии тиийбитэ. Үлэтин төһө да судургута суох усулуобуйаҕа олорон саҕалаатар, ыйыллыбыт болдьохтон өр кэм үлэлээбитэ, бу кини күүстээх санаатын, туруоруммут сыалын ситиһэрин көрдөрөр. Онтон улааппыт Дьааҥытын улууһугар тиийэн, эмиэ өр кэм устата таһаарыылаахтык үлэлиир. 1993 сылтан Саха Өрөспүүбүлүкэтин Бырабыыталыстыбатын састаабыгар киирэн үлэтин салҕыыр, итиэннэ 2010 сыллаахха Саха Өрөспүүбүлүкэтин Бырабыыталыстыбатын бэрэссэдээтэлинэн ананар уонна бу эппиэтинэстээх дуоһунаска алта сыл устата өрөспүүбүлүкэ тыын суолталаах уонна сайдар кэскиллээх боппуруостарын быһаарыыннан дьарыктанар. 2016 сыллаахха Дойду Федерациятын Судаарыстыбыннай дууматын депутатынан талыллар.