"Өченче яшь төркеме" номинациясендә Күҗәкә төп гомуми белем бирү мәктәбе укучысы Хәйбие... — 25 мая 2026 г. в 14:48:22
"Өченче яшь төркеме" номинациясендә Күҗәкә төп гомуми белем бирү мәктәбе укучысы Хәйбиева Таңсылу Татарстан Республикасы архив хезмәтенең “Минем шәҗәрәм” республика конкурсының район этабында призлы урын яулады. Конкурста катнашучыларның эшләре белән теләгән һәркем фойеда оештырылган күргәзмәдә таныша алды. Нәсел тарихы өлкән буын хатирәләре, шулай ук сакланып калган хатлар, фотографияләр, документлар аша торгызылган иде. Шулай ук «Бишенче яшь төркеме» номинацисендә укучының әнисе Дилбәр Фарсый кызы җиңү яулады. Конкурсантның эше республика этабында катнаша. “Минем шәҗәрәм” бәйгесендә җиңүчеләрне ихлас котлыйбыз һәм киләсе бәйгеләрдә дә иҗади уңышлар теләп калабыз. - Нәсел шәҗәрәләрен өйрәнүгә багышланган архив конкурслары ел саен үткәрелә. Киләсе елда да яңа катнашучыларны көтәбез, - ди район архивы мөдире Фирүзә Марсовна Мингазова.