20-25 апрель көннәрендә лицеебызда бөек татар шагыйре Габдулла Тукай иҗатына багышланга... — 5 мая 2026 г. в 13:56:47.882
20-25 апрель көннәрендә лицеебызда бөек татар шагыйре Габдулла Тукай иҗатына багышланган атналык узды. Һәр көн төрле чараларга, бәйгеләргә һәм иҗади эшләргә бай иде: 📖 «Шигъри иртә» – һәр укучы Тукайның бер шигырен сөйләп керде; 📚 «Тукай почмагы» – китап күргәзмәсе; 🎨 Тукай әкиятләре геройларына кул эшләнмәләре һәм рәсемнәр бәйге-күргәзмәсе; 🎬 Г.Тукайга багышланган тапшырулар һәм фильмнар карау; ✍️ «Мин Тукайны яхшы беләм» – укучылар өчен олимпиада; 📝 «Татарча диктант». Бигрәк тә матур иҗади эшләр бәйгесендә лицеистлар үзләренең осталыгын, фантазияләрен һәм Тукай иҗатына мәхәббәтен күрсәттеләр. 25 апрельдә атналыкның йомгаклау чарасы узды. Җиңүчеләр һәм актив катнашучылар бүләкләнде. Һәрбер катнашучы үзенең белеме, тырышлыгы һәм иҗади эзләнүләре өчен истәлекле бүләкләр алды. Тукай рухы һәрчак йөрәкләребездә яшәсен! Шагыйребезнең сүзләре һәм иҗаты киләчәк буыннарга да яктылык өләшсен. #ГабдуллаТукай #ТукайАтналыгы #Лицей #ТатарТеле #Тукайпочмагы #БезТукайныЯхшыБеләбез #ТатарчаДиктант #Лицеистлар #Бүләкләр