Маалыкай орто оскуолатыгар умнуллубат үөрүүлэх күн – "Папа, мама и Я - футбольная семья...
Маалыкай орто оскуолатыгар умнуллубат үөрүүлэх күн – "Папа, мама и Я - футбольная семья" күрэх буолан ааста! Аҕалары, ийэлэри, оҕолору бииргэ түмэр, дьиэ кэргэн сыһыанын бөҕөргөтөр, үөрүү-көтүү аргыстаах "Папа, мама и Я - футбольная семья" диэн футбол күрэҕэ буолан ааста! Бу күн оскуолабыт успуорт саалатыгар чөл олох тыына илгийдэ, дохсун ытыс тыаһа, өрө көтө5үллүүлээх ыһыы-хаһыы тохтообото. Бу күрэххэ аҕалар, ийэлэр оҕолорун кытта хомуур хамаанда тэринэн, күүстэрин харыстаабакка сүүрэн-көтөн, мээчиги тэбэн, дьиҥнээх спортивнай тыыны, үтүө холобуру көрдөрдүлэр. Ийэлэр уонна оҕолор оонньууну дохсун ытыс тыаһынан, үөрүүлэринэн, дьэрэкээн плакаттарынан өйөөтүлэр. Кинилэр баар буолан, күрэх өссө кэрэхсэбиллээх буолла! Күрэх түмүгүнэн: 1-4 кылаастар бөлөхтөрүгэр миэстэлэри маннык үллэһиннилэр: 🥇 1 миэстэни - 3-с кылаас 🥈 2 миэстэни - 4 "а" кылаас 🥉 3 миэстэни - 2-с кылаас 5-7 кылаастар бөлөҕөр маннык та5ыста: 🥇 1 миэстэни - 7 "б" кылаас 🥈 2 миэстэни - 7 "а" кылаас 🥉 3 миэстэни - 6 кылаас Бу күн ситиһии эрэ буолбакка, дьиэ кэргэн бииргэ буолуутун, өйөһүүнү, тапталы көрдөрдө. Оҕолор аҕаларын, ийэлэрин кытта биир хамаандаҕа оонньоон, бэйэ-бэйэлэрин өссө чугастык билсэн, үөрэн-көтөн тар5астылар. Маннык күрэхтэр иннкитин өссө элбэх буоллуннар, дьиэ кэргэттэри биир сомо5о гына түмтүннэр! Бары кыттыыны ылбыт дьиэ кэргэттэргэ махталбытын тиэрдэбит!