Марха орто оскуолатын историятыгар биир сырдык түгэн буолан ааста. 45 сыл анараа өттүгэ... — 18 июня 2026 г. в 13:16:05.478
Марха орто оскуолатын историятыгар биир сырдык түгэн буолан ааста. 45 сыл анараа өттүгэр оскуоланы бүтэрбит, олох киэҥ аартыгар үктэммит 27-с выпусктар, бу күннэргэ ыраахтан-чугастан мустан, төрөөбүт оскуолаларыгар истиҥ көрсүһүүнү тэрийдилэр. Кинилэр быйылгы 72-с выпуск оҕолорун олох саҥа кэрдиис кэмигэр үктэнэллэринэн эҕэрдэлээн, олох киэҥ аартыгар атаарар алгыс тылларын анаатылар. Кэм ситимэ быстыбатын, үтүө үгэс салҕанарын бэлиэтинэн, выпускниктарга Алтан харысхаллары туттаран, кэскиллээх олоххо, үрдүккэ дьулуурга, төрөөбүт дойдуга тапталга уһуйдулар. Бу бэлиэ күн өйдөбүнньүгэ, үөрэммит кыһаларыгар махтанан, "Выпуск 1981" диэн дьэрэкээн оһуордаах, сибэкки уурар анал стойканы бэлэх ууннулар. Бу тэрээһин – үтүө үгэс, көлүөнэлэр ситимнэрэ, оскуолаҕа таптал уонна ытыктабыл чаҕылхай холобура буолла👏🏻👏🏻🤗