2026 сыл бэс ыйын 27 күнүгэр Ньурба куоратын Ленин болуоссатыгар ураты үөрүүлээх түгэн.... — 27 июня 2026 г. в 16:32:49.422
2026 сыл бэс ыйын 27 күнүгэр Ньурба куоратын Ленин болуоссатыгар ураты үөрүүлээх түгэн. Манна оскуолаларын ситиһиилээхтик бүтэрбит оҕолорго анаммыт үөрүүлээх выпускной баал буолла. Выпускниктар, кинилэр төрөппүттэрэ, учууталлар уонна ынырыылаах ыалдьыттар муһуннулар! Тэрээһин выпускниктар парадтарынан уонна оскуола вальсынан аһылынна. Ытыктабыллаах ыалдьыттар истиҥ тылларын уонна баҕа санааларын оҕолорго тиэртилэр. Ньурба оройуонун баһылыгын солбуйааччыта, Петрова Наталья Семеновна, оскуоланы кыһыл көмүс мэтээлинэн бүтэрбит выпускниктарга наҕараадаларын туттарда. Быйыл 14 Ньурба оройуонун выпускнига кыһыл көмүс мэтээл хаһаайына буолбутунан киэҥ туттабыт! Выпускниктары оскуолаларын бүтэрбиттэринэн Ньурба куоратын баһылыга Игнатьев Геннадий Васильевич уонна Ньурба оройуонун үөрэҕин салалтатын салайааччыта Федор Федорович Ушканов эҕэрдэлээтилэр. Кинилэр оҕолорго алгыс тылларын этэн, оҕо хамсааһынын сайдыытыгар киллэрбит улахан кылааттарын иһин уон выпускникка «Ньурба Эрэлэ» диэн түөс бэлиэлэрин үөрүүлээх быһыыга-майгыга туттардылар. Биһиги оскуолабыт выпускнига Федоров Саша бу бэлиэни ыларга чиэскэ тигистэ👏🏻👏🏻🥰😍 Үөрэнээччибитин Сашаны өссө төгүл эҕэрдэлиибит👏🏻👏🏻😍 Бу киэһэ эдэр ыччат олоҕор саҥа, кэрэ аартык аанын аста, үтүө өйдөбүллэри хаалларда. Инники кэскилгэ эрэллээхтик, хорсуннук хардыылаан, ытык сыалларын ситиһэллэригэр баҕарыаҕыҥ!👏🏻👏🏻👏🏻🤗