Чурапчы педагогтара Аммаҕа: үөрэхтээһин кэскилин уһансаллар! — 30 июня 2026 г. в 08:59:04.203
Чурапчы педагогтара Аммаҕа: үөрэхтээһин кэскилин уһансаллар! Амма улууһугар ыытылла турар XXII Өрөспүүбүлүкэтээҕи «Сельская школа & Образовательная марка»: взгляд в будущее образования» педагогическай дьаарбаҥкаҕа Чурапчы улууһун оскуолаларыттан уонна уһуйааннарыттан 150 тахса үлэһиттэн турар улахан хамаанда олус көхтөөхтүк кытта сылдьар! Биһиги делегациябыт дьаарбаҥка араас былаһааккаларыгар улууспут бастыҥ уопутун, кэскиллээх бырайыактарын уонна саҥа идеяларын ситиһиилээхтик билиһиннэрэр. Конкурстарга, төгүрүк остуолларга, стратегическай сессияларга педагогтарбыт тыа сиригэр үөрэхтээһин 2030 сылга диэри сайдар суолун ырытыһаллар. Дьаарбаҥка аһыллыытыгар республика педагогтарын аатыттан "Сыл бастыҥ учуутала" куонкурус кыайыылааҕа, Чурапчы гимназиятын учуутала тыл эппитэ Чурапчы үөрэхтээһинэ өрүү инники күөнҥэ сылдьарын туоһулуур. Хамаандабыт бары кыттыылаахтарыгар үрдүк ситиһиилэри, саҥа таһымнары уонна ситиһиилээх үлэни баҕарабыт!