https://max.ru/c/-69311972376799/AaByC0yfJ6M

https://max.ru/c/-69311972376799/AaByC0yfJ6M Саҥа 2026-2027 үөрэх дьыла саҕаламмыта номнуо биир нэдиэлэ буолла. Быйыл маҥнайгы кылааска 6 үөрэнээччи киирдэ. Кылаас салайааччытынан Саяна Егоровна Иванова ананна. Билии күнүн үөрүүлээх тэрээһинигэр Уус-Алдан улууһун Тыатын хаһаайыстыбатын салайааччыта Артем Николаевич Сивцев, Үөрэх управлениетыттан о5о саас сирдьиттэрэ Федеральнай бырайыагын муниципальнай координатора Мария Платоновна Винокурова ыалдьыттаатылар, кэллэктииби кытта көрүстүлэр. Ону тэҥэ, Билии күнүгэр ыалдьыттаатылар, алгыс тылларын тиэртилэр: нэһилиэк баһылыга Слепцов П.А.; биологическай наука кандидата, профессор П.А.Гоголева Дыргыабайдар сыдьааннарын ааттарыттан маҥнайгы кылааска киирээччилэргэ бэлэхтэрин туттарда; Г.А. Чукрова, педагогическай үлэ бэтэрээнэ, "Симэх" эбээлэр түмсүүлэрин аатыттан эмиэ маҥнайгы кылаас үөрэнээччилэригэр бэлэмнээбит бэлэхтэрин тиэртэ; кырдьаҕастар түмсүүлэрин салайааччыта С.Е.Петрова 45 - с  выпустар оскуола музейыгар анаан ыыппыт бэлэхтэрин: оскуола чуораанын уонна бөрүөнү - үөрүүлээх быһыыга-майгыга оскуола директорыгар Васильев А.В. туттарда. Линейка иккис чааһыгар, үтүө үгэскэ кубулуйбут түгэн, үбүлүөйдээх выпустар кэлэн оскуолаларыгар ыалдьыттаан барыылара, бэтэрээн учууталларын чиэстээһиннэрэ, өйдөбүнньүк бэлэхтэрин туттарыылара, махталлаах ахтыыларын тиэрдиилэрэ - тэрээһини олус дириҥ ис хоһооннуур, кэнчээри ыччаты үтүө5э иитэр суолталанар. Ол курдук, быйыл уһуйуллубут уора5айдарыгар ыалдьыттаатылар оскуоланы бүтэрбиттэрэ 50 сылын туолбут -  Көмүс выпуск. Үөрэн-көтөн мичилийэн, оҕолуу сырдык мичээрдэнэн, ытыс тыаһын доҕуһуолунан сырдык саалаҕа эмиэ 50 сыл анараа өттүгэр долгуйан хаампыттарын саныырдыы, эрээтинэн субуллан киирдилэр - оччотооҕу оскуола үөрэнээччилэрэ 😍👏👏👏Махтал тыл бастыҥа, алгыс тыл үтүөтэ этилиннэ. Маҥнайгы кылааска киирээччилэргэ уонна оскуоланы бүтэрээччилэргэ өйдөбүнньүк бэлэхтэрин туттаран о5ону да, төрөппүтү да соһутан үөртүлэр.  Оттон ураннык оҥоһуллубут бэлэх скамейка оскуола скверин киэргэттэ, үйэлээх тэрил буолан сулууспалыа. Билии күнүттэн са5ыллан үүммүт үөрэх сыла үгүс ситиһиилээх, үтүө үрдэллэрдээх буоллун🙌