26 апрель – халык шагыйре, милләтебезнең йөз аклыгы булган бөек шәхесебез Габдулла Тука... — 25 апреля 2026 г. в 18:54:28.674

26 апрель – халык шагыйре, милләтебезнең йөз аклыгы булган бөек шәхесебез Габдулла Тукай туган көн. Халкыбызның кадерле улы, бөек сүз остасы Габдулла Тукайның тууына 140 ел тулу уңаеннан бүген мәктәбебездә «Тукай яши безнең йөрәкләрдә» дип исемләнгән Туган тел һәм шигърият бәйрәме үткәрелде. Бәйрәм барышында укучылар бөек шагыйрьнең үлемсез шигырьләрен яттан сөйләделәр; табышмакларга, кызыклы сорауларга җаваплар бирделәр һәм аның әсәрләренә нигезләнеп ясалган иҗади рәсемнәрен тәкъдим иттеләр. Төсләргә бай презентация аша балалар Тукайның тормыш һәм иҗат юлына сәяхәт кылдылар. Чара милләтебезнең гимнына әверелгән «Туган тел» җырын бердәм башкару белән тәмамланды. Бу бәйрәм һәр баланың күңелендә Тукайга карата олы хөрмәт һәм туган телебезгә мәхәббәт хисләре калдырды.