Бүген мәктәбебездә иртәдән үк бәйрәм рухы хөкем сөрде. Мәктәп ишегеннән керүче һәр укыт...
Бүген мәктәбебездә иртәдән үк бәйрәм рухы хөкем сөрде. Мәктәп ишегеннән керүче һәр укытучыны 5 нче сыйныф укучылары елмаеп, чәчәк бәйләмнәре һәм җылы сүзләр белән каршы алды. Балаларның бу игътибары укытучыларыбызның йөзләренә нур, күңелләренә шатлык өстәде. Бәйрәмебезнең иң кадерле кунаклары — ветеран укытучыларыбыз иде. Аларны күрү, хәлләрен белү безнең өчен зур бәхет булды. Очрашуның дәвамы буларак, укучыларыбыз үзләре әзерләгән матур концерт программасын тәкъдим иттеләр. Җырлар, шигырьләр һәм биюләр аша балалар үзләренең остазларына булган чиксез рәхмәтләрен җиткерделәр. Бу көн барыбызның да күңелендә якты истәлек булып калыр!
145 просмотров