16 нчы апрель көнне мәктәбебездә Дөньякүләм "Туган тел" җыены үтте. Мәктәп Россия Федер... — 17 апреля 2026 г. в 16:32:08.534
16 нчы апрель көнне мәктәбебездә Дөньякүләм "Туган тел" җыены үтте. Мәктәп Россия Федерациясенең төрле шәһәрләреннән килгән татар теле укытучыларын кабул итте. Кунакларыбызны "Мирас" бию ансамбле "Казан сөлгесе" биюе белән каршы алды. Директорыбыз Роберт Мияссар улы мәктәп буенча бай мәгълүматлы экскурсия ясады. Аида Фаниловна Каюм Насыйрига багышланган интерактив музей эшчәнлеге белән таныштырды. Әлеге чарада актив катнашкан, үз тәҗрибәләре белән уртаклашкан, дәресләр күрсәткән укытучыларыбыз Раилә Басыровнага, Минзилә Мударисовнага, Галия Даниловнага, Ләйлә Гомәровнага, Луиза Газизовнага, Аида Фаниловнага, Әлфия Махмутовнага рәхмәтебезне белдерәбез. Горурланып ассызыклыйбыз: мәктәбебез Каюм Насыйри мирасын дәвам итә, татар телен һәм мәдәниятен үстерүдә зур эшләр алып бара. Барлык катнашучыларга ЗУР РӘХМӘТ!