Биһиги оскуолабыт бэйэтэ уруккуттан олоҕурбут баай үгэстэрдээх. Ол курдук биир улахан ү... — 20 мая 2026 г. в 14:50:47.085
Биһиги оскуолабыт бэйэтэ уруккуттан олоҕурбут баай үгэстэрдээх. Ол курдук биир улахан үгэһинэн «Турслет»тэрээһиммит буолар. Ыам ыйын 20 күнүгэр, Хара тумулбут сиригэр-уотугар, кэтэһиилээх турслеппыт ыытылынна. Быйылгы турслеппут уратыта диэн, «Сайылык күнүн» кытта дьүөрэлээн ыыппыппыт буолла, манан сиэттэрэн бивуактары сахалыы симээһин, сахам маанылаах сандалыта диэн күрэстэри ыыттыбыт. Кылаастар бары дьоһуннаахтык бэлэмнэнэн кэлбиттэрэ тэрээһиммитин үрдүк таһымнаата. Кылаас хамаандалара түһүмэхтэринэн араас туризм күрэхтэрин, мэһэйдэрин аастылар. Халлааммыт туран биэрэн дьэ кырдьык сайыны көрсүү буолла, оҕолор да, төрөппүттэр да, ыалдьыттар да айылҕаҕа сынньанан, оонньоон-көрүлээн, дуоһуйан бардылар. Олус тыҥааһыннаах, интэриэһинэй киирсии кэнниттэн, кыайыылаахтар кыра кылаастарга 4 кылаас (сал. Осипов М.Н.), орто сүһүөххэ 8 кылаас (Николаева К.Ю.). Бу күн элбэҕи билэн, күрэхтэһэн бары да астынан быйылгы дьыл бүтэһик тэрээһинин түмүктээтибит.