Балаҕан ыйын 21 күнэ биһиги төрөөбүт улууспут –Сунтаар улууһун күнэ. Сунтаарбыт улууһа ...
Балаҕан ыйын 21 күнэ биһиги төрөөбүт улууспут –Сунтаар улууһун күнэ. Сунтаарбыт улууһа сурукка-бичиккэ киирбит өрөгөйдөөх 225 сылын бэлиэтээн үөрэнээччилэргэ Дойдуга бэриниилээх буолууну, тапталы иҥэрэр, оҕо ааҕар дьоҕурун сайыннарар, Саха омук ийэ тылыгар үөрэнээччи болҕомтотун тардар, төрөөбүт тылга умсулҕаны уһугуннарар сыаллаах “Сунтаарым туһунан туойабын...” ырыа-хоһоон толоруутугар кылаастар икки ардыларыгар күрэх буолан ааста. Манна үөрэнээччилэр Сунтаар туһунан ырыаны, хоһоону иэйиилээхтик, дорҕоонноохтук толордулар. Кылаастар олус кыһаллан дойдуларын туһунан айымньылары өрө көтөҕүллэн туран толордулар. Түмүккэ, алын кылаастарга 4 кылаастар, орто сүһүөххэ 7 кылаастар, улахаттарга 9 кылаастар кыайыы өрөгөйүн биллилэр. Инниктин да оҕолорбут дойдуларын туһунан ыллыы-туойа, ханна да тиийдэллэр дойдуларынан киэн тутта сырыттыннар.