Кулун тутар 20 күнүгэр Энтузиаст-тренер, физкультура уонна успуорт сайдыытыгар үтүөлэри...
Кулун тутар 20 күнүгэр Энтузиаст-тренер, физкультура уонна успуорт сайдыытыгар үтүөлэрин иһин Бочуот бэлиэлээх, ССРС көҥүл тустууга успуордун маастарга кандидата, үрдүк категориялаах учуутал Николай Иннокентьевич Михайлов аатыгар үгэскэ кубулуйбут, оҕолорго тустуу күрэхтэһиитин түһүлгэтэ тэрилиннэ. Күрэхтэһиигэ Бүлүү, Үөһээ Бүлүү, Ньурба, Сунтаар улуустарыттан, барыта 126 оҕо 13 ыйааһыҥҥа кытыннылар. Күрэхтэһиибитигэр бочуоттаах ыалдьыт буолан Н.И.Михайлов төрөппүт уола, биир дойдулаахпыт СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов кэлэн, кыайыылаахтарга хайҕал суруктары, сэмэй бэлэхтэри туттартаата. Биһиги оскуолабыт үөрэнээччилэрэ, элбэҕи эрэнэр уолаттарбыт Яковлев Марк, Суздалов Харысхал, Николаев Олимпий 1 миэстэ буоллулар, Иванов Айгылаан, Гаппасов Манарбек, Меркурьев Ярослав, Спиридонов Даниил, Михайлов Сарыал, Мохначевский Александр, Меркурьев Артур, Васильев Богдан бириистээх миэстэҕэ тигистилэр. Үөрэнээччилэрбитин ситиһиилэринэн эҕэрдэлиибит уонна мэлдьи чөл олоҕу, спорду өрө тутуҥ диэн баҕа санаабытын этэбит. Түгэнинэн туһанан, күннэтэ оҕолорбутун эт-хаан өттүнэн эрчийэр, ситиһиигэ сирдиир тренербытыгар Семенов Анатолий Никандровичка барҕа махтал тылларын этэбит.