Сабантуй бәйрәме. — 25 мая 2026 г. в 18:59:39.754
Сабантуй бәйрәме. Сабантуй бәйрәме татар халкының иң олы һәм көтеп алган изге, хезмәт һәм дуслык бәйрәме. Бүген мәктәбебезнең спорт мәйданында балалар өчен Сабантуй бәйрәме оештырылды. Сабантуй бүләксез булмый, шуның өчен һәр бала бүләк алып килде. Сабантуй бәйрәмен ачып җибәргәннән соң татар милли уеннары башланды: йомырка салган кашык белән йөгерү, аркан тарту, көянтә белән су ташу, капчык киеп йөгерү, чүлмәк вату. Бәйгеләрдә катнашучыларның берсе дә сынатырга, бирешергә теләмәде. Сабантуен тагын да ямьләндереп, дәртле татар көйләре уйнап торды. Барысы да рәхәтләнеп күңел ачтылар. Безнең балалар буыннан - буынга күчеп килгән милли гореф - гадәтләрнең, йолаларның югалып бару чорында яшиләр. Бүгенге бәйрәмнән соң җырларда, биюләрдә, уеннарда сакланып килгән йолалар киләчәк буыннарда да кабатланыр, сакланыр, онытылмас диеп ышынып калабыз. #Минпросвещения #НавигаторыДетства #Росдетцентр #НавигаторыДетства16 #МинОбрНаукиРТ #КомандаВоспитанияРТ #КомандаВоспитанияАрска #СикертанскаяООШимГКамала