Эргим чаңгыс чер чурттугларым!

Эргим чаңгыс чер чурттугларым! Республикавыстың кол күрүне байырлалы болур Тыва Республика хүнү-биле силер бүгүдеге сеткилимниң ханызындан байыр чедирип тур мен! Төрээн черинге ынак, ооң байлак төөгүзүнге, культуразынга, өгбелерден дамчып келген езу-чаңчылдарын хүндүлеп, чоргаарланып чоруур бүгү-ле кижилерни бо хүн каттыштырып турар. Бо чыл Тыва Арат Республиканың бирги Үндезин Хоойлузун хүлээп алганындан бээр 105 чыл болган төөгүлүг болуушкун-биле холбаалыг. 1921 чылда Бүгү Тываның тургузукчу хуралынга бистиң бот-догуннаан күрүневистиң таваа салдынган. Тывавыстың кол эртинези - ооң ажыл-ишчи, салым-чаяанныг болгаш быжыг тура-соруктуг чону дээрзин база катап демдеглеп каары чугула. Республика бөгүн бүзүрелдиг хөгжүп турар. Силерниң тургузукчу күш-ажылыңар, тура-сорууңар болгаш хей-адыңар ачызында чаа бажыңнар, школалар, уруглар садтарын тудуп, хоорайлар болгаш суурларны чаагайжыдып, инфраструктураны сайзырадып, хөй националдыг чонувустуң катаптаттынмас культурлуг болгаш сүлде-сүзүк өнчүзүн кадагалап арттырып алган бис. Хүндүлүг чаңгыс чер чурттугларым! Силерге быжыг кадыкшылды, аал-ораныңарга амыр-тайбыңны, аас-кежикти күзедим!