✨✨✨🎻🎻🎻🎻🎻✨✨✨ — 27 февраля 2026 г. в 09:35:00.816
✨✨✨🎻🎻🎻🎻🎻✨✨✨ Суоттуга ураты күн үүннэ. Бүгүн, олунньу 27 күнүгэр, Суотту орто оскуолатыгар Саха республикатыгар культура сылын, "Музыка барыбытыгар" бырайыак чэрчитинэн Г.М. Кривошапко аатынан Государственнай филармония "Arco ARTico" струннай бөлөҕүн "Музыка алыптаах дорҕооно" кэнсиэрэ толору көрөөччүнү муста. Биир дойдулаахпыт, виолончелистка Светлана Тютрина көҕүлээһининэн нэһилиэкпитигэр, оскуолабыт сыанатыгар бастакытын профессиональнай үрдүк музыка кэнсиэрэ буолан ааста. Классическай айымньылартан саҕалаан, биллэр аныгы ойуулуктар, киинэлэр саундтректарын толоруу көрөөччү болҕомтотун тартылар. Оскуола үөрэнээччилэрэ, учууталлара, нэһилиэкпит олохтоохторо музыка алыптаах дорҕоонугар уйдаран, биир тыынынан иһиттибит. Хас биирдии айымньы көрөөччү ытыһын тыаһынан доҕуһуолланна. Ураты кэрэ музыка барыбытын да долгутта, биир санааҕа түмтэ. Бөлөххө Уус-Алдантан төрүттээх музыканнар элбэхтэриттэн үөрдүбүт. Манна звукоопреаторынан оскуолабыт выпускнига Аммосов Прокопий үлэлииринэн киэн тутуннубут. Филармония үлэһиттэрэ оскуола администрациятыгар, директор Ирина Михайловнаҕа, коллективка, оскуола оҕолоругар махтаннылар. Инникитин бииргэ үлэлэһэргэ бэлэмнэрин эттилэр. Көрөөччүлэр кэнсиэри астынан-дуоһуйан, атахха туран, сылаас ытыс тыаһынан түмүктээтилэр. Бу курдук тэрээһиннэр ситимин быспакка салҕана турдуннар. Музыка алыптаах дорҕооно үүнэр көлүөнэҕэ кэрэ эйгэ кыымын сахтын.