Улуу Кыайыы күнүгэр аналлаах өйдөбүнньүк уруок🎗️ — 6 мая 2026 г. в 03:58:54.772
Улуу Кыайыы күнүгэр аналлаах өйдөбүнньүк уруок🎗️ Ыам ыйын 6 күнүгэр, Сунтаардааҕы оҕо бибилэтиэкэтигэр Сунтаар №1-дээх оскуолатын 7 “г” кылааһын уонна Сунтаар В.Г. Павлов аатынан алын сүһүөх оскуолатын 2 “в” кылааһын үөрэнээччилэригэр Улуу Кыайыы күнүгэр аналлаах өйдөбүнньүк уруок ыытылынна. Кылаабынай бибилэтиэкэр Марфа Спирова сэрии алдьархайын, Аҕа дойду кɵмүскэлигэр тыыннарын харыстаабакка хорсуннук кыргыспыт буойуттар тустарынан кэпсээтэ. Салҕыы Аҕа дойду сэриитин туһунан кэпсиир кинигэлэри билиһиннэрдэ. Сүрүннүүр бибилэтиэкэр Лия Афанасьевна оҕолорго “Кыайыыга анаммыт хоһооннор” аһаҕас микрофон аахсыйа тэрийэн ыытта. Үөрэнээччилэр Кыайыы хоһооннорун доргуччу ааҕан иһитиннэрдилэр. Оҕолор өйдөбүнньүк уруоктан элбэҕи билэн-көрөн тарҕастылар.