«Тирэх» төрөппүттэр кииннэрэ улуустааҕы форумҥа ситиһиилээхтик кытынна!
«Тирэх» төрөппүттэр кииннэрэ улуустааҕы форумҥа ситиһиилээхтик кытынна! Бүгүҥҥү күҥҥэ, алтынньы 21 күнүгэр, биһиги оскуолабыт "Тирэх" төрөппүттэр инициативаларын киинэ, салайааччы Григорьева У.Н. баһылыктаах, улуустааҕы төрөппүттэр "Дьиэ кэргэн уонна оскуола: оҕолор тустарыгар бииргэ үлэлээһин" диэн форумҥа көхтөөхтүк кытынна. Көхтөөх төрөппүттэрбит Григорьева У.Н. , Модун Дайаана Мыдаада кыыһа улуустааҕы үөрэҕирии салаатын салайааччыта Н.М. Семенова илиититтэн Махтал суруктары туттулар. Бу форумҥа, биһиги активнай төрөппүттэрбит кыттыылаах, "Холбоһук иитии эйгэтэ: Норуот муудараһын күүһэ оскуолаҕа уонна дьиэ кэргэҥҥэ" диэн олус суолталаах уонна кэскиллээх бырайыагы көмүскээтилэр. Бырайыак саха уонна нуучча норуоттарын муудараһын, өс хоһооннорун, этигэн тылларын көмөтүнэн оҕолору духуобунай-сиэрдээх өттүнэн иитиигэ, култууралар икки ардыларынааҕы сибээһи бөҕөргөтүүгэ туһуланар. Бу ситиһии биһиги оскуолабыт төрөппүттэрин көхтөөх үлэлэрин, оҕолорбут кэскиллэригэр уонна иитиилэригэр улахан кыһамньыларын кэрэһилиир. Төрөппүттэрбитигэр ис сүрэхтэн махтанабыт, уонна инникитин да үтүө саҕалааһыннарга ситиһиилэри баҕарабыт!