Бүгүн, алтынньы 29 күнүгэр Н.Г. Чернышевскай аатынан Бүлүүтээҕи профессиональнай-педаго...
Бүгүн, алтынньы 29 күнүгэр Н.Г. Чернышевскай аатынан Бүлүүтээҕи профессиональнай-педагогическай колледжка 1-гы региональнай педагогическай "Сайдыы" форум-хакатон буолан ааста. Форумҥа Үөһээ Бүлүү, Бүлүү оскуолаларын үөрэнээччилэрэ 6 хамаанда күөн көрүстүлэр. Биһиги оскуолаттан 5 оҕо кытынна. Нахова Д. (11 кыл), Мухаматсафина Д. (9 кыл) уонна 8 кыл. үөрэнээччилэрэ Андреев Э., Куланова К., Григорьев О. Тэрээһин сахалыы алгыстан, алаадьынан айах тутан саҕаланна. Маҥнай оҕолору бэйэ-бэйэлэрин билиһиннэрэр сыалтан араас хамаандаларга арааран өс хоһоонунан сыаҥка оҥоттордулар. Бары хамаанда сорудаҕы бэрт түргэнник толордо. Ол кэннэ саха төрүт оонньууларын оонньоттулар: хабылык, хаамыска, кириэс тэбии, ойбонтон уулааһын, быа эрийии. Онтон оҕолор оскуолаларынан арахсан биирдии сорудахтаах кейс ылан, тьютордарын кытта бырайыак оҥорон үлэлээтилэр. 6 кейс сорудаҕа -ырыаны-тойугу оскуолаҕа үөрэтии. Биһиги оҕолорбут бэйэлэригэр чугас темаҕа-оһуохай ырыатын үөрэтии туһунан бырайыак оҥордулар. Манна бырайыак бэлиэтин оҥорууттан саҕалаан (Мухаматсафина Д.), маастар кылаас көрдөрөн (Куланова К.), оһуохай туһунан презентациянан кэпсээн (Андреев Э., Григорьев О.), түмүккэ оһуохай тылын таһааран (Нахова Д.) бэрт сэргэх бырайыагы оҥорон, көмүскээн дьүүллүүр сүбэ интэриэһин тартылар. Түмүккэ, кыайыылаах хамаандаттан аҕыйах баалынан хаалан 2-с бочуоттаах миэстэҕэ тигистилэр. Оҕолорго эҕэрдэ, куруук маннык ситиһии аргыстаах буоллуннар!