Тохсунньу 12-14 күннэригэр Дьокуускай куоракка академик В.П. Ларионов аатынан эдэр чинч... — 28 января 2026 г. в 13:36:47.706
Тохсунньу 12-14 күннэригэр Дьокуускай куоракка академик В.П. Ларионов аатынан эдэр чинчийээччилэр үбүлүөйдээх XXX Өрөспүүбүлүкэтээҕи научнай конференция-куонкурустара «Инникигэ хардыы» буолан ааста. Конференция үгэс быһыытынан үөрэнээччилэр чинчийэр, бырайыактыыр үлэлэрин көрдөрөр бастыҥ былаһаакка буолар. Сунтаар улууһуттан 48 үөрэнээччи 15 үөрэх тэрилтэтиттэн үлэлэрин билиһиннэрдилэр. Конференция үлэтин бастакы күнүгэр «Триумф» спортивнай комплекс базатыгар истиэндэбэй тур ыытылынна, ол түмүгүнэн 30 үлэ иккис турга киирдэ. Бырайыактары көмүскээһин М.К. Аммосов аатынан Хотугулуу-Илиҥҥи федеральнай университет истиэнэлэригэр ыытылынна. Секция үлэтин түмүгүнэн Сунтаар улууһун үөрэнээччилэрэ үрдүк таһымнаах бэлэмнэниини көрдөрдүлэр, конференция лауреаттара, дипломаннара буоллулар. Конференция II истиэпэннээх лауреатынан буолла Уаров Руслан (сал. Уарова Мария Николаевна). Бу иннинэ Руслан «Они сражались за Родину» республиканскай конференция5а эмиэ ситиьиилээхтик кыттыбыта.