"Басхан" улуустааҕы дьыалабыай оонньуу. — 18 марта 2026 г. в 14:23:00.137
"Басхан" улуустааҕы дьыалабыай оонньуу. Кулун тутар 18 күнүгэр Сунтаар үһүс нүөмэрдээх оскуолатыгар, улуус 12 оскуолатын хомоҕой тыллаах араатардара "Басхан" дьыалабыай оонньууга күөн көрүстүлэр. Бу сыл аайы ыытыллар уол оҕолорго аналлаах күрэс быйыл судаарыстыбаннай уонна бэлитиичэскэй диэйэтэл Степан Васильевич Васильев төрөөбүтэ 130 сылыгар ананна. Күрэх 5 түһүмэҕинэн ыытылынна. Манна дьүүллүүр сүбэ кыттааччылар удьуор утумун төһө билэллэрин, Саха биллэр-көстөр саарыннарын үлэлэрин-хамнастарын, устуоруйаҕа сабыдыалларын анааран көрөллөрүн, тэттик ыйытыыларга таба хоруйдуулларын, экэниэмикэҕэ, экологияҕа, устуоруйаҕа, социальнай олоххо сытыытык турар боппуруостары ырытан, бэйэлэрин тус санааларын аһаҕастык этэллэрин, бэриллибит хоһоон устуруокаларын ситэрэн-хоторон, уус ураннаан айалларын сыаналаатылар. Биһиги оскуолабыт аатыттан 11 "а" кылаас үөрэнээччитэ Иванов Коля чаҕылхайдык кыттан, "Тобуллаҕас толкуй Басхана" анал аат хаһаайына буолла. Үөрэнээччибитигэр инникитин да элбэх үрдүк ситиһиилэри баҕарабыт!