Ыам ыйын 16 күнүгэр быйылгы үөрэх дьылын түмүктүүр, бастыҥ үөрэнээччилэри, активистары,... — 16 мая 2026 г. в 11:53:11.268
Ыам ыйын 16 күнүгэр быйылгы үөрэх дьылын түмүктүүр, бастыҥ үөрэнээччилэри, активистары, спортсменнары, кылаас салайааччыларын, төрөппүттэри чиэстиир "Сыл бастыҥнара" тэрээһиммит буолан ааста. Оскуолабыт 76 чулуулартан чулуу, чаҕылхайтан чаҕылхай үөрэнээччилэрэ "Сыл бастыҥ үөрэнээччитэ", " Сыл бастыҥ активиһа", "Сыл бастыҥ интеллектуала", "Сыл бастыҥ спортсмена" анал аат хаһаайыннара буоллулар. Маны таһынан, "Саҥа көлүөнэ" оҕо хамсааһынын бастыҥ активистара наҕараадаланнылар, "Сыл бастыҥ кылаас салайааччылара" ааттаннылар. Өрүү күүс-көмө буолар төрөппүттэрбит чиэстэннилэр, "Сыл бастыҥ төрөппүтэ" ааты ийэлэр уонна аҕалар түмсүүлэрин бэрэссэдээтэллэрэ Егоров Н.П., Амбросьева А.Н. ыллылар. Тэрээһиммит үрдүк таһымҥа ыытылларыгар өйөбүл буолбут спонсор тэрилтэлэрбитигэр, оҕолору иитэр-такайар, үөрэтэр учууталларбытыгар, кэрэҕэ уһуйар куруһуок салайааччыларыгар, күүс-көмө буолар төрөппүттэрбитигэр барҕа махталбытын тиэрдэбит!