МБОУ "Тулунинская СОШ им. П.В. Аммосова" Усть-Алданский улус РС(Я)
Образование · 20 апреля 2026 г.
Бүгүн, муус устар 20 күнүгэр, Москва куоракка «Малая родина – сила России» диэн III Бүт... — 20 апреля 2026 г. в 13:20:00.822
Бүгүн, муус устар 20 күнүгэр, Москва куоракка «Малая родина – сила России» диэн III Бүтүн Россиятааҕы муниципальнай форум үлэтэ саҕаланна. Бу улахан таһымнаах тэрээһиҥҥэ Россия 89 регионуттан олохтоох салайыныы бэрэстэбиитэллэрэ муһуннулар. Биһиги улууспутуттан улуус баһылыга Василий Алексеев салайааччылаах дэлэгээссийэ, Мүрү нэһилиэгин баһылыга Прокопий Румянцев, Байаҕантай нэһилиэгин баһылыга Савва Егоров, Хоро нэһилиэгин баһылыга Алексей Ушницкай уонна Дүпсүн нэһилиэгин баһылыга Николай Сивцев, II Лөгөй нэһилиэгин баһылыга Петр Бурнашев кыттыыны ыла сылдьаллар. Дойду Президенэ Владимир Путин сорудаҕынан бу форум сылын ахсын ыытыллан, олохтоох салайыныыны сайыннарыыга саҥа хардыылары оҥорорго, регионнар уопут атастаһалларыгар уонна дьон олоҕун хаачыстыбатын тупсарыыга туһуланар. Форум чэрчитинэн аһаҕас кэпсэтиилэр, үөрэх лекторийдара, маастар-кылаастар уонна стратегическай сессиялар ыытыллаллар. Федеральнай экспертэри кытта дьүүллэһиигэ сүрүн болҕомто экэниэмикэни уонна инфраструктураны, социальнай эйгэни, култуура салаатын сайыннарыыга, үгэс буолбут сыаннастары харыстааһыҥҥа, тас дойдулар куораттарын кытта бииргэ үлэлээһиҥҥэ саҥа ньымалары тобуларга ууруллар. Улуус делегацията бу форумтан бастыҥ уопуту иҥэринэн, улууспут сайдыытыгар саҥа сүүрээннэри киллэриэхтэрэ. Улуус дьаһалтатын пресс-сулууспата.