Тиһэх чуораан бырааһынньыга – хас биирдии выпускник олох киэҥ аартыгар үктэнэр кэрэ-бэл... — 27 мая 2026 г. в 06:57:56.107
Тиһэх чуораан бырааһынньыга – хас биирдии выпускник олох киэҥ аартыгар үктэнэр кэрэ-бэлиэ түгэнэ буолар. Бу күн оскуолаҕа, учууталларга, төрөппүттэргэ махтал күнэ, 11 сыл устата ылбыт билиини-көрүүнү, сатабылы, талааны дьон-сэргэ дьүүлүгэр таһаарыы күнэ. Ыам ыйын 26 күнүгэр оскуолабытыгар Тиһэх чуораан бырааһынньыга өрө көтөҕүллүүлээхтик ыытылынна. Бу күн оскуоланы бүтэрэр үөрэнээччилэрбитигэр ордук суолталаах буолла. Олус долгутуулаах, умнуллубат бэлиэ күн Арассыыйабыт, төрөөбүт Сахабыт Сирин, тапталлаах Мэңэ-Хаңаласпыт гиимнэринэн саҕаланна. Э5эрдэ тылы эттилэр уонна ситиһиилээх үөрэнээччилэргэ, бастың үлэлээх учууталларга улуус баһылыгын, үөрэ5ирии салалтатын Махтал суруктарын, грамоталарын туттардылар Мэңэ-Хаңалас улууһун үөрэ5ирии салалтатын начальнига Ирина Михайловна Плотникова, “Төңүлү нэһилиэгэ” муниципальнай тэриллии дьаһалтатын баһылыга Петр Васильевич Эверстов, оскуолабыт салайааччыта Семен Николаевич Десяткин. О5олорго э5эрдэ тылларын, ба5а санааларын тиэртилэр, олох киэҥ суолугар үктэнэллэригэр алгыс тылын анаатылар маҥнайгы учууталлара Аида Петровна Иванова, Елена Петровна Неустроева, кылаас салайааччылара Надежда Петровна Слепцова, Маргарита Александровна Бродникова, төрөппүт Александра Александровна Кузьмина. Маҥнайгы кылаас үөрэнээччилэрэ ба5а санааларын, «Бастыҥнар хамсааһыннарын» бэлиэтин, сөмөлүөтү, инникигэ эрэллээхтик дьулуһалларыгар анаан туттардылар. Тэрээһин долгутуулаах түгэннэрин 11 кылаас үөрэнээччилэрин вальса, выпускниктар, “Ой дуораана” көрдөрүүлээх ырыа ансаамбылын ырыалара киэргэттэ. “Тиһэх чуораан” иккис түһүмэҕинэн үөрэххэ, үлэҕэ, научнай-практическай ааҕыыларга, спортка, араас куонкурустарга ситиһиилэммит выпускниктары бэлиэтиир анал стипендиялары туттарыы буолла. Ол курдук анал стипендиялары ыллылар: -Төңүлү нэһилиэгин баһылыга Эверстов П.В. анал стипендията - Кузьмин Егор -Төңүлү оскуолатын салалтатын анал стипендията- Стручков Никифор -И.С.Филиппов аатынан стипендия-Олесова Анастасия-Айыллаана -П.Н.Находкин аатынан стипендия-Олесова Саяна -Калачева Л.П. аатынан стипендия- Борисов Айсен -А.М., Н. Д. Цыпандиннар анал стипендиялара-Петрова Вика -Куличкина М.П. аатынан стипендия- Петрова Вика -Төңүлү нэһилиэгин спортсменнарын түмсүүтүн анал стипендиялара- Шестаков Юра -Төңүлү орто оскуолатын үлэһиттэрин идэлээх сойууһун анал стипендията-Михайлова Оля - С.Н.Сивцев-Доллу аатынан анал стипендия - Колосова Сандаара -Төңүлү орто оскуолатын алын сүһүө5үн учууталларын М.С.Шахурдин, М.С.Афанасьева ааттарынан стипендия- Иванов Александр. Онтон о5олорго оскуола сылларын тиһэх чуораанын тыаһатар чиэс бэрилиннэ. Чуораан лыҥкыначчы тыаһаан, бука барыларын олох киэҥ суолугар үктэнэргэ ыңырда.