Бүгүн, бэс ыйын 17 күнүгэр, "Үнүгэс" лааҕыр о5олоро Дьаңхаады нэһилиэгэр Дьаарбаҥ ытык... — 17 июня 2026 г. в 06:12:07.491
Бүгүн, бэс ыйын 17 күнүгэр, "Үнүгэс" лааҕыр о5олоро Дьаңхаады нэһилиэгэр Дьаарбаҥ ытык сиригэр 25 км уһуннаах Илин Лаамы суола ("Охотский тракт") саҕаланыытын кэлэн көрдүлэр, иһиттилэр. Устуоруйатын Төхтүр оскуолатын саха тылын уонна литературатын учуутала Диана Егоровна Тарабукина олус интэриэһинэйдик иһитиннэрдэ, кэпсээтэ. Илин Лаамы суола (Охотскай тракт, 1731 сылга диэри — Саха-Охотскай суол) диэн 1650—1920 сылларга үлэлээбит Охотскайы уонна Дьокуускайы холбуур суол эбит. XIX үйэ бастакы аҥаарыгар, сайыҥҥы суол уһуна 1025 биэрэстэ, онтон кыһыҥҥы суол уһуна 1040 биэрэстэ эбит. Саха-Айаан суол баарыттан уонна Арассыыйа-Американскай тэрилтэ Айааҥҥа көспүтүттэн сылтаан суол кэхтиигэ киирбит. Лааҕыр оҕолоро бу сиргэ маҥнайгыларын үктэнэн олус диэн астыннылар, тустаах ыйытыктарыгар хоруй ылан чинчийэр күннүктэригэр эбии саҥа билиини суруннулар.