МБОУ "ВВССОШ ИМ. Ю.Н. ПРОКОПЬЕВА" МР "ВЕРХНЕВИЛЮЙСКИЙ УЛУС (РАЙОН)" РЕСПУБЛИКИ САХА (ЯКУТИЯ)
Образование · 11 июня 2026 г.
"АЙАР ЧӨМЧҮҮК" ЛААҔЫР УОННА САЙЫҤҤЫ ПЛОЩАДКА ҮӨРҮҮЛЭЭХ АҺЫЛЛЫЫТА: САХА КЭСКИЛЭ САҔАЛАННА! — 11 июня 2026 г. в 06:06:58.246
"АЙАР ЧӨМЧҮҮК" ЛААҔЫР УОННА САЙЫҤҤЫ ПЛОЩАДКА ҮӨРҮҮЛЭЭХ АҺЫЛЛЫЫТА: САХА КЭСКИЛЭ САҔАЛАННА! Бүгүн, бэс ыйын 10 күнүгэр, оскуолабытыгар бэлиэ уонна үөрүүлээх түгэн буолла. Сайыҥҥы оҕо лааҕыра "Айар Чөмчүүк" уонна маҥнайгы кылааска киирэр оҕолорго анаммыт сайыҥҥы площадка үөрүүлээх арыллыыта саҕаланна! Бу күн оҕолорбут үөрэн-көтөн, киэн туттуулаахтык мустан, аан бастаан гиимн тыаһын истэн, кэскиллээх олохторун түстээтилэр. Ол кэннэ, хас биирдии чөмчүүк курдук оҕолорбут бэйэлэрин айар талааннарын көрдөрөннөр, дууһалыын ыллаатылар, сүргэлэрин көтөҕөн үҥкүүлээтилэр. Бу – оҕолорбут кэскиллэрэ, айар дьоҕурдара, сахабыт тыына көһүннэ. Оҕолорбут үс хамаанданнан арахсан, квест-оонньууга күрэхтэстилэр. Хас биирдии оонньууга биир санаанан үлэлээн, билиигэ-көрүүгэ сатабылга күрэхтэстилэр, дьоҕурдарын көрдөрдүлэр. Бу курдук күрэхтэһии оҕолор биир санааҕа кэлэн, биир киһи курдук үлэлииргэ үөрэтэр, өйүн-санаатын иҥэрэр. Кыайыы-хотуу кэннэ, эбиэккэ киирбиттэригэр, биһиги минньигэс астаах повардарбыт, толору астаах сандалы остуолунан оҕолору күндүлээтилэр. Оҕолор тото-хана аһаан, дьоллонон бардылар.