МБОУ "ВВССОШ ИМ. Ю.Н. ПРОКОПЬЕВА" МР "ВЕРХНЕВИЛЮЙСКИЙ УЛУС (РАЙОН)" РЕСПУБЛИКИ САХА (ЯКУТИЯ)
Образование · 18 июня 2026 г.
Айар Чөмчүүк лааҕыр — 18 июня 2026 г. в 23:37:06.055
Айар Чөмчүүк лааҕыр • Хас сарсыарда аайы зарядкаттан саҕаланар: Бу – эти-сиини уһугуннаран, саҥа күҥҥэ, саҥа ситиһиигэ бэлэмнээһин. Чэгиэн туруктаах, эрчимнээх эттээх-сииннээх оҕо өйө-санаата сырдык, ылынымтыа буолар. Бу – чэгиэн турук, ситимин кытта кэпсэтии! • Распевкаттан саҕалаан ырыаҕа дьарык: Ырыа – дууһа ырата. Распевкаттан саҕалаан оҕолору ыллыырга үөрэтэн, кинилэр ис эйгэлэрин арыйан, иэйиилэрин дорҕооҥҥо кутарга уһуйааһын. • Оһуохайга дьарык: Оһохай – бу биһиги биир сомоҕо буолуубут ытык үгэһэ, түмсүүбүт күүһэ,үрдүкү айыыларга махталы тиэрдэр ситиммит. Оҕолор оһуохайга эрчиллэннэр, кинилэр өбүгэ ситимин күүһүн, биир кэккэнэн хаамтахха күүс эбиллэрин билэллэр, түмсүүлээх буоларга үөрэнэллэр. • Чабырҕахха дьарык: Чабырҕах – бу тыл-өс имэҥэ, өй-санаа кылыһаҕа. Чабырҕаҕынан дьарыктанан, оҕолор тыллара-өстөрө сайдар, толкуйдара түргэтиир, сахабыт тылын баайын, кэрэтин этинэн-хаанынан билэллэр. Бу – төрөөбүт тылга тапталы иҥэрии! Лааҕырбыт күннэтэ оҕо саҥатынан, күлүүтүнэн-туолар, Ырыабыт - тойукпут ыраахха диэри иһиллиннин, Оһуохайбыт олоҕу уруйдуу туойдун!