МБОУ "ВВССОШ ИМ. Ю.Н. ПРОКОПЬЕВА" МР "ВЕРХНЕВИЛЮЙСКИЙ УЛУС (РАЙОН)" РЕСПУБЛИКИ САХА (ЯКУТИЯ)
Образование · 25 июня 2026 г.
"Айар Чөмчүүк" фольклорнай ансамбль оҕолоро – бу саха норуотун кэскилэ! Олоҥхоһут, оһуо... — 25 июня 2026 г. в 03:15:06.480
"Айар Чөмчүүк" фольклорнай ансамбль оҕолоро – бу саха норуотун кэскилэ! Олоҥхоһут, оһуохайдьыт Андрей Титович Титаров "Хардааччы бэргэн" олоҥхотун эйгэтигэр дириҥник киирэн, олоҥхону ааҕан иһитиннэрбиттэрэ – бу олус улахан ситиһии. • "Хардааччы бэргэн" кинигэ сүрэхтэниитэ – үөрүлээх түгэн буолла ! Олоҥхо – биһиги дууһабыт, биһиги историябыт, биһиги ситиммит. Маннык улуу айымньы саҥа кинигэнэн тахсыбыта – бу ааҕааччыларга, ыччакка оҕолорго саха тылын кэрэтин, олоҥхо дириҥ ис хоһоонун тиэрдиигэ сүҥкэн кылаат! • "Оҕолор маҥнайгы холонуулара" – бу хамсааһын бастакы хардыыта, инники диэки бигэтик баран иһэр суол бэлиэтэ. Оҕолор бу холонууларынан олоҥхо эйгэтигэр эрчилиннилэр, өбүгэлэрбит улуу тыыннарын бэйэлэригэр иҥэриннилэр. Бу холонуу инникитин кинилэр олоҥхоһут уонна хоһуун дьону уһугуннарар кыахтара улаатарын көрдөрөр. • "Хардааччы бэргэн" олоҥхо биһиги оҕолорбутун өссө күүскэ түмэн, кэскилбитин кэҥэттин! "Айар Чөмчүүк" ансамбль оҕолорун талааннара өссө арыллан, Сахабыт сирин киэҥ сирдэригэр чугастааҕар-ыраахтааҕар эҕирийдин! Андрей Титович Титаров үтүө аата үйэлэргэ умнуллубатын, кини айымньылара кэнчээри ыччаты үөрэттин!