Бүгүн биһиги уһуйааммытыгар Норуот сомоҕолоһуутун күнүгэр аналлаах олус кэрэхсэбиллээх...
Бүгүн биһиги уһуйааммытыгар Норуот сомоҕолоһуутун күнүгэр аналлаах олус кэрэхсэбиллээх, дьоро тэрээһин буолан ааста! 🎉 Оҕолорбут дойдубут араас омуктар таҥастарын таҥнан доҕордоһуу хоробуотун, флешмоб үҥкүүлээн көрдөөх квест оонньоон астыннылар. Ол курдук 4 бөлөххө арахсан "Арассыыйа устуоруйатынан квест" -оонньууга бэрт сэргэхтик кыттаннар, элбэх саҥаны биллилэр, өйдөрүн-билиилэрин кэҥэттилэр. Нуучча, саха, узбек, хотугу норуоттары кытта ыкса билсэн, сорудах толорон астыннылар. Оҕолор төрөппүттэрин кытта илии оҥоһук оҥороннор, талааннарын толору көрдөрдүлэр. Кинилэр оҥорбут истиҥ оҥоһуктара быыстапкабытын киэргэттилэр! 🎨 Доҕордоһуу оһуокайын уонна сэргэх флешмобу толороннор, биир санаанан түмүлүннүлэр, үөрүү-көтүү аргыстаах тэрээһиммитин түмүктээтибит . Бу күн биһиги оҕолорбутугар эрэ буолбакка, барыбытыгар дьиҥнээх сомоҕолоһуу уонна доҕордоһуу үөрүүтүн бэлэхтээтэ. Бииргэ буолар күүспүт өссө бөҕөргөөтө! #НоруотСомоҕолоһуутунКүнэ #ОҕоКэскилэ #БииргэТүмсүү
Канал в каталоге Максиметера
104 подписчиков · Школы и вузы