МЖ

МБОУ Жабыльская СОШ им. Н.В. Петрова

Школы и вузы · 6 ноября 2026 г.

Открыть канал в MAX

Улууспут үөрэнээччилэрэ муҥхаҕа кыттыстылар!

Улууспут үөрэнээччилэрэ муҥхаҕа кыттыстылар! Сэтинньи 6 күнүгэр Нуораҕана нэһилиэгэр, Арыылаах Эбэҕэ, улууспут оскуолаларын үөрэнээччилэрэ төрүт дьарыкпытыгар 12 оскуолаттан 140 оҕо муҥхаҕа кыттыыны ылла. "Мэҥэ Хаҥалас улууһа" муниципальнай оройуон баһылыгын нэһилиэнньэ олоҕун-дьаһаҕын хааччыйыыга солбуйааччыта Николай Лукич Никифоров бүгүҥҥү муҥхаҕа оҕолордуун сылдьыста: "Оҕолор төрүт дьарыкпытын кытта билистилэр, муҥха оҥоһуутун, балыктыыр ньымалары үөрэттилэр уонна бэйэлэрэ кыттан сүгэн-көтөҕөн бары биир киһи курдук тэҥҥэ үлэлэстилэр. Муҥха үөрүүтүн, Байанай бэлэҕин бэйэ илиитинэн тутан көрөн, өбүгэ үгэһин ис хоһоонун өйдөөтүлэр. Бу тэрээһин оҕолорго үлэҕэ тапталы, бэйэ-бэйэҕэ көмөлөһүүнү уонна төрүт култуурабытыгар ытыктабылы иҥэрдэ. Күөх бөллөх мичик гынна! Муҥха үчүгэй түмүктээх буолла — оҕолор үөрүү-көтүү аргыстаах, сүргэлэрэ көтөҕүллэн 10 оҕо иккилии куул илии тутуурлаах тарҕастылар. Муҥханы тэрийбит улуус дьаһалтатыгар, үөрэх салалтатыгар, тэрилтэлэргэ, кыттыбыт оҕолорго уонна учууталларга барҕа махталбытын тиэрдэбит. #муҥха #төрүтдьарык #Нуораҕана #АрыылаахЭбэ