АК ХАЛАТЛЫ ШӘФКАТЬ ИЯЛӘРЕ — 16 июня 2026 г. в 14:27:36.200
АК ХАЛАТЛЫ ШӘФКАТЬ ИЯЛӘРЕ Һәр ел июнь аеның өченче якшәмбесендә илебездә медицина хезмәткәрләренең һөнәри бәйрәме билгеләнеп үтелә. Районыбыз халкы сәламәтлеге сагында көн-төн фидакарьлек өлгеләре күрсәтүчеләрне хөрмәтләү йөзеннән бүген район Мәдәният йортында тантаналы чара үтте. Медицина хезмәткәрләренә ихлас котлау сүзләрен Арча мунипаль район башлыгы Алмаз Хисаметдинов, район башкарма комитеты җитәкчесе Ленар Абдуллин һәм Арча үзәк хастаханәсенең баш табибы Рифат Идрисов җиткерде. Чараны бүләкләү мизгелләре дә бизәде. Халык сәламәтлеген саклау эшчәнлегендә казанышлары һәм күпъеллык намуслы хезмәтләре өчен бер төркем хезмәткәрләргә Мактау грамоталары, Рәхмәт хатлары тапшырылды. Ак халатлы кешеләр хезмәте-ул халык иминлеге хакына хезмәт итү. Медицина хезмәткәрләренә көндәлек намуслы хезмәтләре өчен рәхмәт әйтәбез. Авыр һәм җаваплы эшләрендә зурдан-зур уңышлар юлдаш булсын! #АрскКультура #АрскийРДК